Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Os obxectivos do proxecto da Dirección de Igualdade Lingüística da Deputación Foral de Gipuzkoa son fomentar a creación audiovisual na mocidade entre 14 e 16 anos e que adquiran o hábito de traballar, difundir e consumir produtos en éuscaro.
Fonte: DDonosti
A Unidade de Normalización Lingüística explica que a concesión desta subvención destinada aos concellos busca axudar ao sector do comercio e á dinamización do valenciano ao recoñecer o uso desta lingua por parte das persoas comerciantes nos seus establecementos.
Fonte: El Periòdic
O Parlamento galego aprobou, por unanimidade, unha iniciativa do BNG na que se insta a Xunta a normalizar o uso e a presenza do galego nos centros sanitarios. Para iso piden que se garanta a existencia de versións nesta lingua de toda a documentación destinada aos pacientes e a posta en marcha de actuacións formativas para que os profesionais dispoñan das competencias lingüísticas necesarias para ofrecer atención en galego.
“O camiño da lingua” é unha iniciativa posta en marcha polo Concello de Ourense no marco do programa de animación á lectura e ten como obxectivo promover a cultura e a lingua galegas a través do xogo e da interacción.
Fonte: Concello de Ourense
Co gallo da celebración do Día das Letras Galegas 2021, as tres universidades de Galicia presentaron o vídeo "A universidade, un espazo para o galego", unha peza audiovisual na que o alumnado dos diferentes campus conta a súa experiencia lingüística na universidade, reflexiona sobre as eivas e as oportunidades para a normalización da lingua galega neste ámbito e expón as súas razóns para incorporala nos seus usos lingüísticos.
A Xunta de Galicia dálle continuidade á homenaxe á autora anfitrioa das Letras Galegas 2021 coa iniciativa Xela Arias. Poeta nas marxes, un programa de proxeccións audiovisuais do documental homónimo dirixido por Beatriz Pereira arredor da escritora.
A delegada da Xunta en Vigo, Marta Fernández-Tapias, acompañou ao alumnado do IES de Ribeira do Louro no acto de colocación na Delegación Territorial do mural floral co que o centro educativo porriñés homenaxea o 17 de maio, Día das Letras Galegas, á poetisa Xela Arias.
Fonte: O Portal da Lingua Galega
As subvencións irán destinadas a accións como presentacións, encontros ou obradoiros realizados nos propios establecementos ou a través de internet. É unha medida enmarcada no Plan de Reactivación Cultura en marcha, que está sendo reforzado este ano con 23M € e destina un 12 % máis á industria editorial.
Fonte: O Portal da Lingua Galega
O obxectivo da EITB é ampliar a súa presenza a espazos dixitais para que a mocidade consuma o éuscaro a través dunha plataforma na que se pode ver a produción audiovisual da televisión pública vasca e as películas, as series, os documentais e os espectáculos que se crean no País Vasco.
Fonte: Noticias de Gipuzkoa
O seminario chámase “Linguas e Autogoberno” e busca establecer unhas medidas e prácticas para protexer a dinamización do catalán entre a xuventude, a migración e o audiovisual, xa que son tres vectores do futuro desta lingua.
Fonte: Generalitat de Catalunya
Subscríbase ao boletín
