O colectivo Scola Corsa anunciou que a partir do mes de setembro abrirán en Córsega as dúas primeiras escolas de inmersión en lingua corsa.
Fonte: Franceinfo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de maio de 2021
O ministro das 'Gaeltacht' ou zonas de fala irlandesa da República de Irlanda anunciou que os cursos de gaélico que se organizan cada verán nestas zonas serán de novo cancelados por mor da crise sanitaria da covid-19.
Fonte: Laois Nationalist
07 de maio de 2021
Google anunciou a presentación da ferramenta Woolaroo que permite que distintas comunidades lingüísticas conserven e amplíen as súas listas de palabras no seu idioma e agreguen gravacións de audio para axudar coa pronuncia.
Fonte: Tecmundo
07 de maio de 2021
Pamplona acolleu a presentación da obra Jagon 21: Hizkuntza gutxiagotuak zaindu, euskara jagon. O volume axuda a reflexionar sobre o futuro das linguas europeas occidentais minorizadas ao analizar a súa situación actual.
Fonte: Gobierno de Navarra
07 de maio de 2021
Udaltop, o encontro anual dos servizos municipais do éuscaro, reúne 230 profesionais para traballar no fomento desta lingua no ámbito socioeconómico desde as entidades locais.
Fonte: Gobierno de Navarra
06 de maio de 2021
O vicepresidente primeiro da Xunta, Alfonso Rueda, presidiu xunto co secretario xeral de Política Lingüística, Valentín García, a reunión da Comisión de Toponimia de Galicia, na que se acordou manter a oficialidade do topónimo galego Ría de Ribadeo, despois de que o Principado de Asturias trasladase ao Goberno central unha petición para oficializar o nome Ría do Eo.
06 de maio de 2021
A liña de axudas dirixida aos comercios da cidade nace como unha iniciativa da Área de Xestión de Recursos do Concello, que contará coa xerencia do Gabinete de Normalización Lingüística. O seu obxectivo é valorar e impulsar o valenciano como lingua de uso habitual nos establecementos comerciais que atenden directamente ao público.
Fonte: 20 minutos
06 de maio de 2021
O club conta cun plan para a mellora da súa xestión lingüística e comprométese a traballar pola normalización lingüística a través do uso do éuscaro en todas as súas actividades.
Fonte: Gobierno de Navarra
06 de maio de 2021
A exposición transmedia ‘Cantámola en galego’ amosa o panorama musical dos últimos 20 anos da man de bandas ou solistas que fan música en galego de diferentes estilos. Trátase dun total de 14 paneis con listaxes de reprodución en Spotify, listaxes de vídeos en YouTube e unha unidade didáctica.
05 de maio de 2021
O Concello do Porriño organiza o programa A xuventude coas Letras Galegas 2021 na praza do Cristo, unha iniciativa coa que busca fomentar o uso do galego entre a xente nova dun xeito atractivo e mediante actividades baseadas na cultura urbana, como o rap.
Boletín
Subscríbase ao boletín
