Estreouse na plataforma de YouTube un curso de lingua occitana para principiantes impartido polo falante nativo Gabrièu Pelisson. O curso é ofrecido con subtítulos en occitano, francés e inglés.
Fonte: Jornalet
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de novembro de 2020
Nove alumnos e alumnas de ensino secundario de Iparralde participan no evento Gaztealdia que consiste en vivir plenamente en éuscaro durante polo menos 8 días.
Fonte: Mediabask
17 de novembro de 2020
O Concello de Silla organizou unha campaña que ten como finalidade promover o uso do valenciano e contribuír ao coidado do medio evitando a xeración de residuos. Para iso deseñáronse unhas máscaras para combater a covid-19, que aguantan oitenta lavados, coa mensaxe “Trau la llengua. Viu en valencià”.
17 de novembro de 2020
O primeiro premio da sexta edición do Concurso Literario Mazarelos foi para o texto As aldeas non deben apagarse, de Cristina Negreira Barcia, unha edición cuxas bases obrigaban a que o tema das obras fose ‘O galego confinado’.
16 de novembro de 2020
Un estudo realizado polo Centro de Literatura Islandesa revelou que a cidadanía islandesa le máis agora que hai un ano. Este anuncio foi feito con motivo do Día da Lingua Islandesa que se celebra cada ano na honra do poeta Jónas Hallgrímsson (1807-1845).
Fonte: Iceland Monitor
16 de novembro de 2020
A organización a prol da lingua romanche Lia Rumantscha presentou unha queixa formal a unha canle de radio pública tras ignorar esta o romanche nun programa sobre variedades lingüísticas. O romanche é unhas das catro linguas oficiais do país helvético xunto ao alemán, italiano e francés.
Fonte: Swissinfo
16 de novembro de 2020
Nos últimos anos, xurdiron en internet varios dicionarios de lingua leonesa, aos que se vén de sumar o Léxico de Leonés Actual, froito da colaboración entre a Universidade de León e a Real Academia Española. A rede convértese así na principal ferramenta de promoción deste idioma, ante a falta de recoñecemento social e da Administración.
16 de novembro de 2020
Segundo a Enquisa de usos lingüísticos 2018 a maioría da poboación barcelonesa maior de 14 anos entende (93,4 %), e sabe ler (85,3 %), falar (78,7 %) e escribir (60,6 %) en catalán. Estes datos mostran que, se ben a cidade de Barcelona se sitúa por debaixo da media catalá, está por riba con respecto á área metropolitana.
Fonte: Generalitat de Catalunya
13 de novembro de 2020
O primeiro ministro de Groenlandia, Kim Kielsen, defendeu a necesidade de que o funcionariado que traballa neste territorio dependente de Dinamarca teña competencias en groenlandés para poder manter o seu posto de traballo.
Fonte: High North News
13 de novembro de 2020
A alta incidencia da covid-19 nas comunidades indíxenas brasileiras e a morte de falantes vellos poderían levar linguas como o puruborá ao bordo da extinción.
Fonte: National Geographic
Boletín
Subscríbase ao boletín
