A clasificación internacional "English Proficiency Index" da empresa Education First revelou que España ocupa actualmente a posición número 34 en dominio do inglés, por detrás do resto de países da Europa occidental.
Fonte: The Local
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de novembro de 2020
O escritor escocés Douglas Stuart gaña o Premio Booker, un dos certames literarios de lingua inglesa máis prestixiosos do mundo, pola súa novela Shuggie Bain.
Fonte: BBC
20 de novembro de 2020
Segundo a clasificación internacional "English Proficiency Index" da empresa Education First, Portugal figura no presente ano como o sétimo país do mundo onde mellor se fala inglés, só por detrás de Austria, Noruega, Suecia, Finlandia, Dinamarca e os Países Baixos.
Fonte: O Jornal Económico
20 de novembro de 2020
Unha obra de teatro da compañía portuense Estrutura visibiliza en Portugal a comunidade de persoas xordas e pon a lingua de signos no lugar máis destacado.
Fonte: Observador
20 de novembro de 2020
O Sistema de Indicadores do Éuscaro (EAS), impulsado polos gobernos vasco e navarro, Euskararen Erakunde Publikoa e as tres deputacións forais vascas, acaba de renovar a súa web para que as persoas usuarias poidan consultar os datos dun xeito máis sinxelo, así como outros contidos, como vídeos, documentos, noticias etc.
20 de novembro de 2020
O diario dixital VIA Empresa, dedicado ao sector económico e empresarial e escrito en catalán, resultou gañador da terceira edición do Premio Lingua Nacional que outorga a Asociación Lingua Nacional e que conta co apoio da Generalitat de Cataluña.
Fonte: Generalitat de Catalunya
19 de novembro de 2020
A Xunta e o Igade colaboran nunha nova publicación para impulsar o uso do galego en todos os ámbitos
O secretario xeral de Política Lingüística da Xunta de Galicia, Valentín García, e o director do Instituto Galego de Análise e Documentación Internacional (IGADI), Daniel González, presentaron no Pazo de San Roque a nova publicación O mundo en galego: comprender o global desde aquí, que se edita co apoio da Consellería de Cultura, Educación e Universidade e que ten como obxectivo impulsar o uso do galego en todos os ámbitos.
19 de novembro de 2020
A contratación destes dous estudos a especialistas, que recibirán un máximo de 8954 euros, ten como obxectivo fomentar a investigación e aumentar a documentación lingüística circunscrita ao ámbito de Mallorca.
Fonte: 20minutos
19 de novembro de 2020
Familias de alumnado de escolas infantís de Pamplona, agrupadas na plataforma Haur Eskoletako Gurasoak, reclaman máis oferta de éuscaro nestes centros, unha queixa que farán chegar ao Departamento de Educación do Goberno de Navarra.
19 de novembro de 2020
O secretario xeral de Política Lingüística, Valentín García, visitou na casa grande de Cimadevila, sede da Fundación Cultural Ramón Otero Pedrayo, a mostra Ricardo Carvalho Calero. A voz presente.
Fonte: O Portal da Lingua Galega
Boletín
Subscríbase ao boletín
