‘Habelas, hainas’, xornada de carácter divulgativo sobre a investigación matemática, ten como obxectivo demostrar que esta ciencia está presente actualmente en todos os ámbitos da vida e contribuír a normalizar o uso do galego neste eido.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de novembro de 2020
24 de novembro de 2020
O ciclo de divulgación científica en galego DivulgaTerra 2020 ten previstas para os días 1 e 3 de decembro pequenas doses sobre diversas liñas de investigación nas que están a traballar tanto docentes como parte da mocidade investigadora.
24 de novembro de 2020
Itadaki Smash poderá xogarse completamente en éuscaro nas súas versións para PlayStation 4 e PC. Xunto a esta lingua, estará dispoñible tamén en castelán, inglés, francés, italiano, alemán e portugués. Trátase dun dos poucos videoxogos en éuscaro para PS4, que representa apenas o 2 % dos idiomas dispoñibles nas producións españolas.
24 de novembro de 2020
Compromís per Alacant cre necesario avanzar na presenza do valenciano na Administración local e fomentar a formación do funcionariado nesta lingua para ofrecerlle un mellor servizo á cidadanía. Por este motivo, propón que se comece a traballar na posta en marcha dun regulamento de promoción do valenciano, como xa existe na maioría dos concellos da comunidade.
23 de novembro de 2020
O Goberno de Portugal aprobou en comisión parlamentaria a proposta do partido PAN (Persoas-Animais-Natureza) para regulamentar a actividade da interpretación en lingua de signos.
Fonte: Sapo 24
23 de novembro de 2020
A lingua portuguesa está de aniversario en Macau xa que hai agora 60 anos que se comezou a ensinar na rexión autónoma chinesa. Hoxe a lingua de Camões goza de moi boa saúde ao ser ensinada nun total de 50 institucións macaenses.
Fonte: Observador
23 de novembro de 2020
O Concello de Santiago e a Cámara de Comercio convocan a XXI edición dos premios Manuel Beiras, que fan vinte anos e que teñen como obxectivo recoñecer e poñer en valor as empresas que empregan habitualmente o galego na súa comunicación.
23 de novembro de 2020
Arredor de 147 000 persoas participarán na edición deste ano de Euskaraldia, unha iniciativa que ten como obxectivo mudar os hábitos lingüísticos e impulsar o emprego do éuscaro e que se celebra en todos os territorios onde se fala esta lingua: País Vasco, Navarra e Iparralde.
Fonte: Noticias de Navarra
23 de novembro de 2020
As axudas Interlingua 2021, para as que a Generalitat destina unha partida de 611 779 euros, teñen como obxectivo impulsar proxectos que fomenten o uso das linguas no ámbito universitario, xa sexa catalán, occitano ou lingua de signos catalá, ou outras como o inglés.
23 de novembro de 2020
A edición deste ano do certame LGx15. Ideas para o futuro da lingua trasládase aos dispositivos electrónicos, con vídeos en liña que se estrean en YouTube e Facebook entre o domingo 22 e o sábado 28 de novembro ás 21.00 h. O evento contará con sete charlas breves para compilar ideas, experiencias e propostas que poidan mellorar o futuro do galego.
Boletín
Subscríbase ao boletín
