A Universidade do País Vasco acaba de presentar o centro HiTZ que aspira a converterse nun referente en tecnoloxías lingüísticas e intelixencia artificial, en plena expansión polo auxe dos tradutores automáticos e os asistentes por voz.
Fonte: Naiz
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de novembro de 2020
Segundo a tese de doutoramento A ideoloxía na para/tradución e nos transvases de información: análise da situación da prensa en galego, da investigadora da Universidade de Vigo Silvia Duarte, ata 2020 que apareceu Nós Diario, a lectura de prensa nesta lingua era dependente e complementaria da española, xa que, fronte ao lector desta última, que tiña unha visión global do que acontece no mundo, o da galega adquiría unha visión localista, rexionalista e centralista.
06 de novembro de 2020
O 5 de novembro de 1876 o semanario O Tío Marcos d'a Portela publicou unha folla promocional de máquinas de coser Singer en galego. Foi a primeira vez que se usou esta lingua para un anuncio publicitario.
Fonte: Galicia Confidencial
06 de novembro de 2020
O Moviment per l’escola en català, integrado por varias entidades, ten como obxectivo axudar a que o alumnado, ao finalizar o ensino obrigatorio, sexa suficientemente competente en catalán e perciba esta lingua como propia, algo que non acontece na actualidade, segundo demostra a Enquisa de Usos Lingüísticos.
05 de novembro de 2020
No colexio español Vicente Cañada Blanch da capital británica o galego é, xunto co castelán, a única lingua peninsular para a que se imparte docencia. Neste centro naceu en 2010 a iniciativa Galego en Londres da man do profesor Xaime Varela, ao principio como un simple perfil de Facebook para comunicarse co alumnado, pero que co tempo se converteu nun punto de referencia para toda a comunidade galega que vive nesta urbe.
05 de novembro de 2020
O Concello de Bilbao, no marco do programa Darabilbo, ten previstas para o mes de novembro 24 actividades gratuítas de lecer en éuscaro, entre as que figuran obradoiros de gastronomía, paseos en bicicleta ou varias charlas.
Fonte: 20minutos
05 de novembro de 2020
Varias asociacións e sindicatos alertaron, nunha rolda de prensa en Ansoáin, sobre como a crise sanitaria provocada pola covid-19 está a repercutir negativamente no éuscaro e no seu proceso de normalización lingüística.
Fonte: Noticias de Navarra
05 de novembro de 2020
A edición en linguas minorizadas centra a XVII edición do Simposio “O libro e a lectura”, organizado pola Asociación Galega de Editoras (AGE), que este ano non contará con asistencia presencial, pero que se poderá seguir pola canle de Youtube da AGE.
Fonte: Consello da Cultura Galega
04 de novembro de 2020
Co fin de celebrar o 250 aniversario do nacemento do poeta William Wordsworth (1770-1850), a Biblioteca Nacional de Portugal acolle unha exposición e congreso que analizarán polo miúdo o legado intelectual e literario do autor inglés.
Fonte: Público
04 de novembro de 2020
O uso de formas femininas para se referir tanto a mulleres como a homes no borrador dunha lei do Ministerio de Xustiza alemán avivou o debate sobre a necesidade da linguaxe inclusiva. O borrador foi rexeitado polo medo a que poida ser declarado inconstitucional.
Fonte: New York Times
Boletín
Subscríbase ao boletín
