O Goberno de Australia quere aprobar unha polémica medida de control migratorio pola que obrigará as parellas de persoas residentes a aprobaren un exame de inglés para poder entrar no país.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de outubro de 2020
31 de outubro de 2020
Un manifesto asinado por autores como Chico Buarque e Milton Hatoum será presentado no Festival Literario de Araxá (Brasil) co fin de promover sinerxías entre autores e autoras de lingua portuguesa de todo o mundo, independentemente dos seus respectivos gobernos.
Fonte: Folha de Londrina
30 de outubro de 2020
A Academia Brasileira de Letras (ABL, polas súas siglas en portugués) lanzou o portal Novas Palavras que ofrece ao gran público curiosidades sobre termos e expresións en lingua portuguesa.
Fonte: Acontece em Petrópolis
30 de outubro de 2020
Dúas investigadoras da Universidade de California e Harvard respectivamente traballaron nun estudo que revelou que os arrolos ou nanas manteñen o mesmo efecto calmante nas crianzas independentemente da lingua en que sexan cantados. No estudo participaron 144 bebés de entre os dous e os catorce meses de idade.
Fonte: The New York Times
30 de outubro de 2020
Os galardoados deste ano dos Premios San Martiño de Normalización Lingüística, que se entregarán o vindeiro 13 de novembro, son os seguintes: a Asociación Cultural Vagalumes e a agrupación musical A Banda da Loba.
Fonte: Consello da Cultura Galega
30 de outubro de 2020
O actual presidente do Principado, Adrián Barbón, parecía disposto a abrir o debate sobre a oficialidade do asturiano, pero a irrupción do coronavirus sacou da axenda política o tema da reforma do Estatuto de Autonomía para facela posible.
Fonte: Asturies.com
30 de outubro de 2020
O Goberno vasco implantará a gratuidade da matrícula para o alumnado de entre 16 e 30 anos que acredite o nivel C1 de éuscaro. O obxectivo desta iniciativa é axudar a que a mocidade adquira unha capacitación lingüística máis elevada para que poida desenvolver a súa carreira profesional nesta lingua.
Fonte: Noticias de Gipuzkoa
30 de outubro de 2020
O proxecto Youtubeir@s pon a disposición da comunidade educativa unha breve guía de recursos en galego dispoñibles en Youtube que inclúe unha selección de vídeos didácticos sobre diferentes ámbitos (ciencia, plástica, literatura e lingua, música, natureza…).
29 de outubro de 2020
O Menhir de Ouro publicouse orixinalmente en 1967 como disco-libro, pero nunca aparecera como álbum. Agora actualizouse como parte da colección de álbums, e chega a Galicia da man da Editorial Xerais, cuxa edición vén acompañada dun audiolibro en galego con voces excepcionais, música orixinal e efectos sonoros feitos á medida.
29 de outubro de 2020
Co lema Euskaraz, talentua gara!, organizarase unha campaña de identificación e difusión de boas prácticas, con charlas para responsables dos centros de FP e almorzos de traballo con responsables dos centros de traballo co obxectivo de reflexionar sobre o uso e as funcións das linguas e amosar o valor engadido que ofrece o éuscaro no mundo laboral.
Boletín
Subscríbase ao boletín
