Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O fornecedor de servizos de telecomunicacións Altice Portugal aproveitou o Día Internacional da Alfabetización para presentar, co apoio da Fundación Altice, o Novo Atlas da Lingua Portuguesa, unha ferramenta de difusión da notoria influencia da lingua portuguesa no mundo.
Fonte: Bairrada Informaçāo
En resposta a unha queixa presentada pola Mesa pola Normalización Lingüística, o Ministerio de Igualdade equipara as linguas oficiais diferentes do español con calquera lingua estranxeira nas bases dun premio convocado por ese departamento. Con esta resposta, a institución estatal segue a excluír o galego deses premios.
Fonte: Nós Diario
O profesorado denunciou en medios como A Liña do Galego da Mesa pola Normalización Lingüística que o Sergas está a empregar só o castelán para as comunicacións sobre as probas da covid-19.
O Instituto de Estudos Baleáricos (IEB, polas súas siglas en catalán) abriu o prazo de matrícula dos seus cursos de lingua catalá. A oferta será completamente en liña a causa da situación xerada pola covid-19.
Fonte: dBalears
El combate de los xefes é o título escollido do novo álbum da serie de Astérix e Obélix que se publica en lingua asturiana.
Fonte: Cope
A curtametraxe sobre moda galega Escarnio e Maldicir, dirixida polo valdeorrés Aitor Ramos Soto, foi seleccionada para participar na sección oficial do London Fashion Film Festival, un dos certames de curtas de moda máis importantes do mundo. A obra baséase nos deseños de Olaya de los Palos e inclúe tamén un poema dela en voz de Mela Casal.
Fonte: O Sil
A estadía lingüística de verán do Instituto Ramon Llull terá lugar este ano nas Illas Baleares. A novidade é que o evento se desenvolverá de xeito virtual.
Fonte: 20minutos
Unha nova plataforma virtual permitirá que os tradicionais Cursos de Primavera da Facultade de Linguas da Universidade de Córdoba (Arxentina) se ofrezan completamente en liña.
Fonte: La Voz
O secretario xeral de Política Lingüística, Valentín García, participou na rolda de prensa de presentación do II festival feminista de arte urbana Delas Fest, no que se enmarca "Mulleres e cultura urbana", unha iniciativa que forma parte do Fondo de Proxectos Culturais Xacobeo 2021 e que se celebra en diferentes espazos do Gaiás.
Fonte: O Portal da Lingua Galega
Hai agora 178 anos publicouse en Uruguai, na primeira páxina do diario Le Messager Français, unha nota que pasaría á historia por ser a primeira noticia en éuscaro editada no continente americano.
Fonte: Noticias de Navarra
Subscríbase ao boletín
