O Instituto de Estudos Araneses, autoridade lingüística sobre a variante aranesa da lingua occitana do Arán, publicou unha nova gramática froito de máis de catro anos de traballo.
Fonte: Generalitat de Catalunya
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de setembro de 2020
O Museo Virtual da Lusofonía, creado polo Centro de Estudos de Comunicación e Sociedade da Universidade do Miño, pasará a estar integrado na plataforma Google Arts & Culture. Este salto garantirá unha maior difusión da lusofonía en todo o mundo.
Fonte: Correio do Minho
04 de setembro de 2020
A campaña "Territorios Unidos" da Organización das Nacións Unidas (ONU) permite traducir ás linguas nativas de Costa Rica mensaxes e advertencias sanitarias sobre a covid-19 co obxectivo de evitar o contaxio nas comunidades indíxenas.
Fonte: Noticias ONU
04 de setembro de 2020
O Goberno da India arrebatou ao urdú a condición de única lingua oficial do estado de Jammu e Caxemira. Catro linguas máis serán agora oficiais: o caxemirés, o dogri e o hindi, ademais do inglés.
Fonte: La Vanguardia
04 de setembro de 2020
Entre 2016 e a actualidade, a demanda por aprender a lingua de signos na Arxentina medrou un 236 %. Os docentes e o persoal da saúde son os máis interesados en aprendela.
Fonte: Clarín
03 de setembro de 2020
Con motivo do inicio do curso, PuntoGal ofrece unha rebaixa no prezo dos novos dominios, pola que as persoas interesadas poderán obter o seu .gal ata o 30 de setembro por un prezo máximo de 10 euros máis IVE.
Fonte: Código Cero
03 de setembro de 2020
O secretario xeral de Política Lingüística da Xunta de Galicia, Valentín García, visitou a 17ª edición do Festival de Cine de Cans para participar na homenaxe ao cineasta galego Luciano Manuel Piñeiro Martínez, Chano Piñeiro, con motivo do 25º aniversario do seu pasamento.
02 de setembro de 2020
O Goberno de Aragón convoca tres galardóns: o Arnal Cavero, que premia unha obra de creación literaria en aragonés ou unha tradución a esta lingua; o Guillem Nicolau, que recoñece unha obra de creación literaria en catalán; e o Antonio Artero, que premia unha obra de creación de vídeo en aragonés.
Fonte: AraInfo
02 de setembro de 2020
Co obxectivo de incrementar a presenza do éuscaro nos establecementos comerciais e na hostalería, o Concello de Etxebarri lanza unha convocatoria de axudas coa que subvencionará con ata o 50 % os rótulos en éuscaro nos seus locais.
Fonte: El Correo
02 de setembro de 2020
A Comisión Europea anunciou o lanzamento do seu concurso anual de tradución para estudantes de ensino secundario de toda Europa, Juvenes Translatores. Todas as escolas dos países da UE poderán inscribirse para participar.
Fonte: European Commission
Boletín
Subscríbase ao boletín
