O futuro do gaélico e a creación de centros de formación desta lingua por todo o país entran na negociación para formalizar un goberno de coalición en Irlanda entre tres partidos políticos: os Verdes, Fine Gael e Fianna Fáil.
Fonte: Irish Examiner
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de maio de 2020
25 de maio de 2020
O Parlamento de Portugal aprobou unha resolución que recomenda a contratación de máis intérpretes de lingua de signos para o Servizo Nacional de Saúde. A medida contou co apoio de case todas as forzas políticas.
Fonte: Notícias ao Minuto
22 de maio de 2020
A plataforma HE Gurasoak manifestou que, a pesar da escaseza de prazas, matricularán as súas fillas e fillos nas escolas infantís de Pamplona. Porén, ante o risco de quedar sen praza, anunciaron a posta en marcha dunha Herri Haur Eskola ou Escola Infantil Popular temporal, unicamente para o próximo curso, para facerse cargo da demanda non atendida.
22 de maio de 2020
Os sitios web en galego representan o 0,0037 % do total de internet, o que coloca esta lingua na posición 61 no mundo, doce postos menos respecto ao ano 2017, cando representaba o 0,01 % do total de contidos web. Así mesmo, a Galipedia tamén perde posicións por número de artigos publicados.
Fonte: Galicia Confidencial
22 de maio de 2020
A nova estratexia de política exterior de Estonia ten como principal obxectivo a salvagarda e preservación do pobo estoniano e da súa lingua e cultura.
Fonte: Estonian World
22 de maio de 2020
A comunidade nubia do sur de Exipto embarcouse nunha iniciativa titulada "Komma Waidi" ("Contos de antano", en nubio) coa que se pretende documentar historias contadas en nubio para salvar esta lingua da desaparición.
Fonte: National Geographic
22 de maio de 2020
A Real Academia Galega incorporou ao seu Dicionario varios termos relacionados coa actual crise sanitaria, como covid-19, coronavirus, teletraballo, desconfinamento ou desescalada, así como outras palabras de uso crecente nesta pandemia.
22 de maio de 2020
O Instituto Politécnico de Macau (IPM, polas súas siglas en portugués) lanzou a versión en liña da primeira revista académica escrita en portugués en Asia.
Fonte: Notícias ao Minuto
22 de maio de 2020
O Goberno de Gales, representado polo comisario da Lingua Galesa, Aled Roberts, lamentou que a nova lei de inmigración por puntos do Reino Unido non valore o dominio do galés do mesmo xeito que o fai co inglés, considerado o único idioma nacional.
Fonte: BBC
21 de maio de 2020
A conselleira de Relacións Cidadás compareceu en comisión parlamentaria para informar sobre as accións do seu departamento durante a crise da COVID-19 e fixo un chamamento a apostar polo éuscaro dentro dun novo modelo de turismo sustentable, vinculando esta lingua co local e como elemento de identidade e autenticidade.
Fonte: Noticias de Navarra
Boletín
Subscríbase ao boletín
