O Concello de Tomiño pretende celebrar a festividade das Letras Galegas en liña, dada a situación de emerxencia sanitaria provocada pola COVID-19, e cunha maior participación cidadá. No marco desta especial celebración, recolléronse a través das redes sociais centos de palabras en galego escritas pola cidadanía, entre as que se escollerán as máis votadas, que posteriormente se estamparán en bolsas de tea.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de maio de 2020
05 de maio de 2020
Udaltop, o encontro de servizos municipais de éuscaro, chega á súa duodécima edición, que estará dedicada impulsar o uso desta lingua no ámbito socioeconómico. A emerxencia sanitaria provocada pola COVID-19 obrigará a adaptar a xornada de 2020 que se celebrará o 14 de maio e que se realizará por vía telemática.
Fonte: Gobierno Vasco
05 de maio de 2020
O espazo virtual de aprendizaxe e ensino da lingua catalá Aula Mestra, destinado a docentes e estudantes de todo o mundo, aumentou notablemente a súa actividade no período de confinamento, con 113 novos cursos, que alcanzan así a cifra de 229, e 1000 usuarios máis que se suman aos 30 000 que xa tiña.
Fonte: Generalitat de Catalunya
05 de maio de 2020
Un estudo publicado en The Hispanic Council revela que se incrementou nos últimos anos o uso do español entre as persoas con cargos institucionais no congreso e senado dos EUA.
Fonte: Archiletras
05 de maio de 2020
O Goberno de Andorra aprobou os novos requisitos de lingua catalá para entrar na administración. A partir de agora deberase obter o título de coñecemento de catalán con anterioridade ao acceso á administración.
Fonte: VilaWeb
04 de maio de 2020
O Departamento de Cultura adaptou a web do Centro de Documentación para facilitar a consulta en liña de obras de carácter sociolingüístico, así como outros recursos como artigos, revistas sobre lingua, noticias lingüísticas etc.
Fonte: Generalitat de Catalunya
04 de maio de 2020
O investigador do Instituto Universitario de Lisboa, Luís Reto, avogou por incrementar o financiamento e reforzar a presión diplomática para que o portugués se converta na sétima lingua oficial das Nacións Unidas.
Fonte: País ao Minuto
04 de maio de 2020
A Xunta pola Defensa de la Llingua Asturiana organizou para o 8 de maio unha campaña nas redes sociais co obxectivo de que a xente publique frases a favor da oficialidade do asturiano co cancelo #Oficialidá.
Fonte: 20minutos
04 de maio de 2020
O Instituto Camões, a Comunidade de Países de Lingua Portuguesa (CPLP) e a representación portuguesa na UNESCO organizan un evento virtual para conmemorar o primeiro Día Mundial da Lingua Portuguesa que se celebra o 5 de maio.
Fonte: Público
01 de maio de 2020
O primeiro ministro do Canada, Justin Trudeau, recoñeceu que a situación de emerxencia sanitaria provocada polo coronavirus foi en detrimento do francés xa que o executivo canadense autorizou a etiquetaxe exclusivamente en inglés durante a pandemia.
Fonte: The Guardian
Boletín
Subscríbase ao boletín
