Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Valentín García, participou en Santiago de Compostela nos actos organizados pola Fundación Rosalía de Castro con motivo do Día de Rosalía, que conmemora o 183º aniversario do nacemento da autora galega.
Fonte: O Portal da Lingua Galega
Na súa primeira reunión ordinaria de 2020, a Comisión de Toponimia de Cataluña abordou as accións previstas para este ano, como a actualización do nomenclátor oficial de Cataluña, a publicación do nomenclátor do Val de Arán ou a elaboración do nomenclátor mundial.
Fonte: Generalitat de Cataluña
As novas leis de inmigración que se imporán co Brexit limitarán a entrada ao Reino Unido de persoas non cualificadas ou que non falen inglés.
Fonte: The Guardian
O presidente de Francia, Emmanuel Macron, anunciou que prohibirá o ensino de linguas estranxeiras en escolas públicas por profesorado non controlado polo Estado francés.
Fonte: Jornalet
O presidente de Cabo Verde, Jorge Carlos Fonseca, declarou con motivo do Día Internacional da Lingua Materna que se deben acelerar os mecanismos para converter o crioulo en lingua oficial do arquipélago.
Fonte: Notícias ao Minuto
A Axencia Rexional da Lingua Friulana (ARLeF) impartirá en colaboración co Instituto de Investigacións Económicas e Sociais da rexión italiana Friúl-Venecia Xulia un curso para promover o uso da lingua friulana no ámbito do traballo. Trátase do primeiro curso deste tipo que se imparte en Italia.
Fonte: Il Friuli
O Museo da Lingua Portuguesa de São Paulo que for parcialmente destruído por un incendio vai reabrir as súas portas no mes de xuño. A reapertura contará con novidades entre as que se destaca o acceso directo desde a contigua Estación da Luz.
Fonte: Novo Dia
Un evento celebrou no 17 barrio de París a fraternización das culturas lusófona e francófona ou "luso-francofonía". O encontro contou coa participación de artistas de diferentes países lusófonos e francófonos e foi organizado pola Embaixada de Cabo Verde en Francia.
Fonte: RFI
A Generalitat de Cataluña incorpora ao servizo do 061 CastSalut Respon un equipo de interpretación en lingua de signos catalá, un importante paso que permitirá acceder a este servizo público sanitario a persoas xordas a través dos seus móbiles ou tabletas.
Fonte: Generalitat de Catalunya
O recurso Patrimonio Léxico da Gallaecia, iniciativa enmarcada dentro do proxecto GEOARPAD, nace co obxectivo de documentar e mostrar a variación no léxico patrimonial actual dentro da área que comprende a Eurorrexión Galicia-Norte de Portugal e as zonas galegófonas de Asturias e de Castela e León.
Fonte: Consello da Cultura Galega
Subscríbase ao boletín
