O Goberno de Suecia declarou que creará unha comisión que examinará os abusos cometidos polo Estado sueco contra a minoría lingüística meänkieli con motivo das políticas de asimilación que se aprobaron en tempos pasados.
Fonte: The Japan Times
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de abril de 2020
03 de abril de 2020
A situación causada pola pandemia do coronavirus obrigou o equipo organizador do festival nacional Eisteddfod, a celebración máis importante de poesía e música en lingua galesa, a adialo para o ano que vén.
Fonte: Wales Online
02 de abril de 2020
A Xunta de Galicia vén de facilitar as condicións de acceso a GaliciaLe, a plataforma de préstamo de obras en formato electrónico das bibliotecas públicas galegas. Ata agora só estaba accesible para os usuarios destas bibliotecas, polo que era preciso ter carné, e desde este momento ábrese toda a poboación.
Fonte: Xunta de Galicia
02 de abril de 2020
A través da súa conta de Instagram, a Real Academia Española propón un novo reto para os días de confinamento. A través de xogos lingüísticos e tests, a institución pretende poñer a proba os coñecementos de persoas adultas e nenos en relación coa ortografía e a gramática da lingua española.
Fonte: Diario de Sevilla
02 de abril de 2020
O obxectivo deste convenio, asinado entre a Universidade de Alacant e Escola Valenciana, é formar, a partir da cooperación entre ambas as institucións, un grupo de traballo para fomentar a investigación e a difusión sobre a educación multilingüe, tanto no ámbito universitario como nos diferentes niveis do ensino non universitario.
Fonte: La Vanguardia
02 de abril de 2020
Co obxectivo de fomentar a participación da cidadanía no enriquecemento da Galipedia, a Wikipedia en galego, ponse en marcha a iniciativa EuTraduzoNaCasa para impulsar a incorporación de persoas voluntarias ao equipo de tradución desta enciclopedia en liña. En concreto, a proposta consiste en facer traducións de artigos bos e de calidade da Wikipedia en castelán que aínda non existan na Galipedia.
02 de abril de 2020
Xosé Luís Franco Grande, que faleceu aos 84 anos de idade, foi responsable do primeiro Diccionario galego-castelán (1968), así como escritor e avogado e membro da Real Academia Galega dende 1998.
Fonte: Praza Pública
01 de abril de 2020
O programa Euskal Kirolari está a compartir vídeos en éuscaro, protagonizados por deportistas vascos (como a surfista Leticia Canales, os futbolistas Ibai Gómez e Luca Sangalli, o ciclista Mikel Landa ou a remeira Nerea Pérez), co obxectivo de fomentar a actividade física na casa durante o confinamento.
01 de abril de 2020
O Goberno de Euskadi e a Oficina Pública da Lingua Vasca de Iparralde comprometéronse a colaborar no impulso do éuscaro en 2020 e definiron as liñas de traballo para este ano, así como as asignacións económicas que se destinarán á promoción desta lingua no País Vasco francés.
Fonte: El Diario Vasco
01 de abril de 2020
A Autoridade Portuaria de Valencia puxo en marcha a campaña #AlPieDelCañon, unha iniciativa solidaria que inclúe mensaxes en oito idiomas diferentes, entre os que se atopan o inglés, o francés, o alemán, o chinés ou o árabe, entre outros, co obxectivo de facela chegar a todos os continentes.
Fonte: Naucher Global
Boletín
Subscríbase ao boletín
