O Congreso do estado mexicano do Iucatán aprobou por unanimidade a introdución do ensino obrigatorio da lingua maia nas escolas. Aproximadamente o 25 % da poboación deste territorio mexicano fala este idioma.
Fonte: Nationalia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de decembro de 2019
10 de decembro de 2019
A Sociedade da Lingua Galesa (Cymdeithas yr Iaith Gymraeg) reclamou ao Goberno do País de Gales que garanta a contratación de máis profesorado capaz de impartir clases en lingua galesa para poder facer realista o obxectivo de conseguir un millón de falantes de galés para 2050.
Fonte: NationCymru
10 de decembro de 2019
O proxecto internacional NexusLinguarum axudará a reducir as barreiras lingüísticas en Europa e favorecerá o comercio electrónico e o intercambio cultural entre países de distinto idioma. Así mesmo, servirá de apoio ás linguas minoritarias cuxo soporte tecnolóxico sexa limitado.
Fonte: Aragón Digital
10 de decembro de 2019
Varas entidades recolleron nun documento as vulneracións de dereitos lingüísticos sufridas por falantes de valenciano ao longo do ano 2019, un informe que lle entregaron á Generalitat Valenciana.
Fonte: València Extra
10 de decembro de 2019
O Parlamento de Galicia acolleu o acto de entrega dos XXVI Premios de Publicidade en Galego, convocados conxuntamente pola Xunta de Galicia, a través da Consellería de Cultura e Turismo, polo Parlamento Galego e polo Foro Enrique Peinador co obxectivo de impulsar e recoñecer proxectos de promoción do uso do galego desde o ámbito publicitario en cinco categorías: radio, televisión, prensa escrita, internet e centros de formación de profesionais neste sector.
09 de decembro de 2019
A profesora da Universidade de São Paulo, Safa Jubran, recibiu en Qatar o importante premio de tradución Sheikh Hamad que fomenta o entendemento entre a cultura árabe e o resto do mundo.
Fonte: ESHOJE
09 de decembro de 2019
A nova serie de HBO América Latina Todxs Nós porá en cuestión diferentes aspectos de xénero e a mesma lingua portuguesa. A comedia dramática, ambientada en São Paulo, durará oito episodios de trinta minutos cada un.
Fonte: Terra
09 de decembro de 2019
Os orzamentos dedicados ao asturiano pasan de 1 7037 630 euros a 1 904 630, o que supón un incremento de 201 000 €, unha cantidade que representa o 0,04 % do total. As partidas máis importantes son as destinadas á televisión pública, ao novo servizo de normalización lingüística da Universidade de Oviedo e á Academia da Lingua Asturiana.
Fonte: El Comercio
09 de decembro de 2019
As illas Baleares súmanse á campaña «I tu, jugues en català?» para fomentar o uso e o consumo de xogos e xoguetes en catalán. Para iso, organizan un concurso no que se realizarán preguntas a través da web jocsencatala.cat sobre xogos e costumes locais tradicionais.
Fonte: Setminario Soller
09 de decembro de 2019
A Mesa pola Normalización Lingüística pídelle á Xunta que facilite a dobraxe ao galego das principais series e filmes que ofertan as plataformas dixitais, para o cal puxo en marcha nas redes unha campaña xunto coa Asociación Profesional de Actores e Actrices da Dobraxe, a Asociación Galega de Profesionais da Tradución e a Interpretación e mais a comunidade de Instagram en galego.
Boletín
Subscríbase ao boletín
