A Xunta da Rexión Autónoma de Sardeña, en Italia, destinará 875 mil euros aos concellos para que promovan a lingua sarda nos seus diferentes dialectos e incentiven a súa aprendizaxe.
Fonte: Sardegna Live
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de marzo de 2020
O boletín oficial da República de Estonia anunciou que se revisará a tradución ao inglés da súa Constitución e estará lista para o centenario da súa escritura que se celebrará en xuño.
Fonte: ERR
11 de marzo de 2020
No marco da iniciativa Benvido Montaigne!, a Facultade de Ciencias da Comunicación organiza un obradoiro e un concurso de fanzines e ensaios en galego co obxectivo de fomentar o uso desta lingua así como a creatividade na comunidade universitaria.
Fonte: Consello da Cultura Galega
11 de marzo de 2020
O obradoiro “Recursos informáticos para traballar en galego”, que se desenvolverá os días 15, 16, 21, 22 e 23 de abril de 2020 no Auditorio Mar de Vigo, está dirixido a todas as persoas que queiran ampliar os seus coñecementos sobre este tema.
Fonte: Consello da Cultura Galega
11 de marzo de 2020
O secretario xeral de Política Lingüística, Valentín García, participou no acto de entrega dos XV Premios á Calidade Lingüística que convoca a Universidade de Santiago de Compostela (USC) a través do seu Servizo de Normalización Lingüística, co apoio da Consellería de Cultura e Turismo, por medio da Secretaría Xeral de Política Lingüística.
10 de marzo de 2020
Un grupo de investigadores e investigadoras da Universidade de Vigo está a realizar un estudo sobre a situación da lingua mirandesa, segundo idioma oficial de Portugal. Unha primeira achega do estudo revela que o ensino actual do mirandés nas escolas locais sería insuficiente para garantir a preservación do idioma.
Fonte: RTP
10 de marzo de 2020
Un informe elaborado por varias institucións académicas chinesas aborda o impacto do coronavirus no sector das empresas de ámbito lingüístico e podería servir de pauta para outros países que están sufrindo agora o ataque desta enfermidade.
Fonte: Slator
10 de marzo de 2020
Entrelinguas é o título dunha reportaxe multimedia que, tras moitos meses de traballo para coñecer as diferentes falas de Galicia, presentaron os xornalistas Antonio Méndez Rodríguez, Sara Barreiro Álvarez e Alejandro Vázquez Corral, autores do proxecto.
Fonte: Lugo Xornal
10 de marzo de 2020
O Goberno de Navarra presentou a avaliación do I Plan estratéxico do éuscaro e anunciou que xa está a preparar o segundo, co que pretende rematar coa confrontación arredor desta lingua.
Fonte: Noticias de Navarra
10 de marzo de 2020
Coincidindo co 325º aniversario do ilustre berciano Frei Martín Sarmiento, o Bierzo celebra o seu Día da Lingua Galega. O secretario xeral de Política Lingüística, Valentín García, participou, a canda 1146 estudantes de galego, na celebración do Día do Galego no Bierzo que tivo lugar nas localidades leonesas de Vilafranca, Cacabelos e Corullón.
Fonte: O Portal da Lingua Galega
Boletín
Subscríbase ao boletín
