O primeiro ministro indio, Narendra Modi, anunciou o seu interese en que a India se converta en país observador da Comunidade de Países de Lingua Portuguesa (CPLP).
Fonte: Mundo Lusíada
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de decembro de 2019
O Plan de promoción do éuscaro no ámbito socioeconómico 2020-2023 busca, entre outros, mellorar a competencia nesta lingua do persoal que traballa cara ao público, axudar no avance das competencias lingüísticas nas empresas e organizar campañas de sensibilización para promover a demanda de servizos en éuscaro.
Fonte: EITB
27 de decembro de 2019
Itzuli, o tradutor automático neuronal de éuscaro a castelán, realiza 50 000 traducións diarias de media na súa versión web. Agora, a nova app para dispositivos iOS e Android complementa esta ferramenta e presenta como principal novidade a posibilidade de introducir texto a través da voz.
Fonte: Diario Vasco
27 de decembro de 2019
Sentidiño converteuse na Palabra do Ano 2019 logo da votación impulsada polo Portal das Palabras na que resultou ser o termo máis votado polas persoas que participaron nesta iniciativa. En total acadou o 51 % dos votos emitidos, mentres que a que se situou en segundo lugar, feminicidio, conseguiu case o 20 %.
27 de decembro de 2019
A obra Extraordinario, escrita por Antón Lopo e publicada pola editorial Galaxia, converteuse na primeira novela en galego en entrar nas obras recomendadas polo prestixioso PEN dos Estados Unidos de América.
Fonte: Sermos Galiza
26 de decembro de 2019
O secretario Xeral de Política Lingüística, Valentín García, e o escritor Alfredo Conde presentaron en Vigo a novela Homes de Ferro, unha obra que conta co apoio da Xunta de Galicia a través de "O teu Xacobeo".
Fonte: O Portal da Lingua Galega
26 de decembro de 2019
A raíz desta celebración, o Consorcio para a Normalización Lingüística renova a súa web e impulsa a súa actividade en redes sociais, para facela máis visible e achegar os contidos aos usuarios que queiran aprender catalán, principalmente os recentemente chegados a Cataluña.
Fonte: Generalitat de Catalunya
26 de decembro de 2019
A web, con 300 visitas diarias, supera xa o millón. Está dedicada á difusión do aragonés e do catalán de Aragón e dispón de contidos sobre tradición oral, historia, normativa, subvencións e programas culturais, entre outros.
Fonte: Diario del Alto Aragón
26 de decembro de 2019
O guionista e realizador ferrolán Rubén Coca gañou a primeira edición do Premio de Guión para longametraxes pola súa obra Detrás da luz. Este certame, organizado pola Asociación de Guionistas de Galicia (AGAG), ten como obxectivos mellorar a presenza da lingua galega no audiovisual, promover autores que escriben en galego e contribuír a difundir o traballo dos membros da AGAG.
Fonte: Cultura Galega
24 de decembro de 2019
Castelló pola Lingua celebrou un acto para conmemorar os 87 anos da aprobación das Normas de Castelló, que sentaron as bases ortográficas do valenciano en 1932.
Fonte: La Vanguardia
Boletín
Subscríbase ao boletín
