A obra, Arquimesa, que foi presentada no Instituto de Estudos Altoaragoneses de Huesca, recolle poemas escritos por 14 autoras de referencia en aragonés dende o século XVII ata a actualidade.
Fonte: Diario de Alto Aragón
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de setembro de 2019
Nun encontro entre ambos os organismos, analizáronse temas como a revisión das medidas de normalización e visibilización do asturiano, as necesidades orzamentarias, o emprego da toponimia oficial ou a presenza desta lingua na televisión pública autonómica.
Fonte: El Comercio
27 de setembro de 2019
A Confederación Mapuche de Neuquén, en Arxentina, presentou un proxecto de lei no goberno provincial para que o mapuche ou mapuzugun sexa declarado lingua oficial en todo o territorio provincial.
Fonte: Télam
27 de setembro de 2019
Cultúrlann, un importante centro cultural situado na cidade norteirlandesa de Derry, creará as primeiras residencias universitarias de Irlanda do Norte para estudantes que teñan o gaélico como lingua materna.
Fonte: The Irish News
27 de setembro de 2019
O Concello de Cardiff, capital do País de Gales, anunciou un plan para adoptar máis nomes en galés para as súas vías e rúas coa intención de que estes poidan reflectir a historia dos barrios ou zonas. Así mesmo, as vías que non contaban até agora con nome en galés terán tamén a súa correspondencia nesta lingua.
Fonte: BBC
27 de setembro de 2019
O Departamento de Estado dos Estados Unidos de América (EUA) anunciou a súa intención de adherirse á Comunidade de Países de Lingua Portuguesa (CPLP) como país asociado. Con esta medida, os EUA queren aproximarse á diáspora lusófona que vive no seu territorio para que estableza vínculos máis fortes cos seus lugares de orixe.
Fonte: ISTO É
26 de setembro de 2019
A Xunta de Galicia celebrou no Museo das Peregrinacións e de Santiago, situado na compostelá praza das Praterías, o Día Europeo das Linguas. Fíxoo cun acto durante o cal peregrinos e estudantes Erasmus procedentes de toda Europa recitaron poemas galegos da poetisa Rosalía de Castro traducidos a cadansúa lingua.
Fonte: O Portal da Lingua Galega
26 de setembro de 2019
Estas guías forman parte dunha colección de dez volumes en diferentes linguas dirixidos á poboación estranxeira co obxectivo de que aprendan catalán a partir do seu idioma.
Fonte: Generalitat de Catalunya
26 de setembro de 2019
Coalise Estudio confirmou que a serie Cells at Work! incluirá o galego, o éuscaro e o catalán nos seus subtítulos, ademais do castelán, na primeira edición deste anime.
Fonte: Ramen Para Dos
26 de setembro de 2019
Como cada 26 de setembro desde 2001 celébrase o Día Europeo das Linguas, unha iniciativa impulsada polo Consello de Europa co obxectivo de dar a coñecer a diversidade lingüística do continente e impulsar entre a poboación a aprendizaxe de linguas.
Fonte: Consello de Europa
Boletín
Subscríbase ao boletín
