O presidente dos EUA, Donald Trump, asinou unha norma que estenderá as axudas para a preservación das linguas nativas que se falan no país.
Fonte: The Washington Times
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de decembro de 2019
Defensores da lingua galesa criticaron a conxelación da partida orzamentaria destinada á promoción do galés no proxecto de orzamentos que presentou o Goberno do País de Gales.
Fonte: Nation Cymru
23 de decembro de 2019
Jovita Balarezo converteuse na primeira persoa do Perú en presentar unha tese de doutoramento na súa lingua natal, o shipibo. O estudo, que obtivo a cualificación de Cum Laude, defende o desenvolvemento das mulleres indíxenas na Amazonia peruana.
Fonte: El Comercio
23 de decembro de 2019
A voceira do Bloque Nacionalista Galego en Europa, Ana Miranda, manifestou a súa preocupación sobre a situación da lingua galega nunha pregunta dirixida á Comisión Europea onde insta a garantir o cumprimento da Carta Europea das Linguas Rexionais e Minoritarias en Galicia.
Fonte: Sermos Galiza
23 de decembro de 2019
O secretario xeral de Política Lingüística, Valentín García, participou na rolda de prensa de presentación das novelas finalistas da XV edición do Premio de Novela Europea Camiño de Santiago.
Fonte: O Portal da Lingua Galega
23 de decembro de 2019
En 2001 creouse a comisión encargada do proceso de tradución dos textos litúrxicos ao valenciano e actualmente o 90 % destes foi xa traducido, incluíndo o misal romano. Porén, o proxecto mantense bloqueado e os documentos que conteñen oracións, rituais e misas só están publicados na web da AVL.
Fonte: Levante
23 de decembro de 2019
Segundo a enquisa de usos lingüísticos do catalán, un 93,8 % da poboación da área metropolitana barcelonesa entende o catalán e o 78,4 % tamén o sabe falar, fronte á media da comunidade, do 81,2 %. Os datos demostran un impacto lingüístico desigual derivado dos importantes movementos migratorios desta zona.
Fonte: La Vanguardia
23 de decembro de 2019
A Consellería de Sanidade comunicoulle ao seu persoal que a lexislación vixente lle outorga ao galego un uso preferente na prestación de servizos, tanto na comunicación interna oficial como coa cidadanía.
Fonte: Faro de Vigo
23 de decembro de 2019
O Consello da Cultura Galega publica Textos científicos en galego 1939-1975, co obxectivo de paliar a necesidade de material en lingua galega para traballar contidos científicos no ámbito educativo.
Fonte: Consello da Cultura Galega
23 de decembro de 2019
O vicepresidente da Xunta, Alfonso Rueda, presentou Galicia Nomeada, unha plataforma web pioneira que favorece a salvagarda, a compilación e a divulgación do tesouro toponímico de Galicia, “un caso singular sen comparanza en España nin en Europa en variedade, antigüidade e densidade de denominacións por km2.
Boletín
Subscríbase ao boletín
