Cataluña
WordReference.com amplía a súa oferta de ferramentas lingüísticas en liña coa incorporación do catalán
As xestións da Dirección Xeral de Política Lingüística de Cataluña permitiron que o portal de dicionarios en liña WordReference.com incorporase recentemente un dicionario de definicións en lingua catalá.
Fonte: Generalitat de Catalunya
Preséntanse os resultados sobre a situación do catalán do Informe de Política Lingüística 2014
Este novo informe revela, entre outros datos, que o 60 % das persoas nacidas en Cataluña cun dos dous proxenitores tamén nativo usa o catalán cos seus fillos.
Fonte: Generalitat de Catalunya
O TERMCAT asina dous convenios de colaboración que potenciarán a presenza do catalán no ámbito terminolóxico
O TERMCAT asinou un convenio para enriquecer a versión catalá da base de datos IATE do Parlamento Europeo e outro con Aenor para desenvolver as versións catalás das normas UNE.
Fonte: Generalitat de Catalunya
Casio crea a primeira calculadora que incorpora a posibilidade de escoller o idioma catalán
Casio presentoulle á conselleira catalá de Educación unha nova calculadora científica que posibilita escoller o idioma catalán, castelán ou portugués nos menús e as funcións deste dispositivo.
Fonte: Generalitat de Catalunya
Segundo o último barómetro do WICCAC, aumenta o uso do catalán en internet
O uso do catalán nos territorios que falan esta lingua é do 63,93 %, 0,02 puntos porcentuais máis que no mes anterior.
Fonte: Racó Català
A Dirección Xeral de Política Lingüística de Cataluña colabora na organización de actividades de fomento do catalán e o occitano
A Dirección Xeral de Política Lingüística organiza, entre outras actividades, cursos de catalán e de occitano, no marco da 47ª edición da Universidade Catalá de Verán (UCE) que se celebra do 16 ao 23 de agosto.
Fonte: Generalitat de Catalunya
Movistar+ retransmitirá os partidos do FC Barcelona en catalán
A Xunta Directiva do Barça solicitoulle a Telefónica que ofrecese a retransmisión en catalán dos partidos do equipo, unha opción que ata o momento ofrecía Canal+.
Fonte: El Confidencial Digital
A rede social Twitter busca tradutores voluntarios para a versión en catalán da súa interface para Android
Preténdese traducir de inglés a catalán a interface para Android de Twitter para o que se buscan tradutores voluntarios que deben cumprir certos requisitos.
Fonte: Generalitat de Catalunya
A Confederación do Comercio de Cataluña convoca un premio á mellor iniciativa lingüística no sector comercial
Trátase da décimo segunda edición deste premio, que conta co apoio da Dirección Xeral de Política Lingüística, que establece dúas categorías: entidades e establecementos.
Fonte: Generalitat de Cataluña
Poboación inmigrante e empresas serán os principais destinatarios dos máis de 3500 cursos de catalán ofertados pola Generalitat
A través do Consorcio para a Normalización Lingüística (CPNL), durante o curso 2015-2016 ofreceranse en toda Cataluña máis de 3500 cursos. A poboación inmigrante e as empresas serán dous colectivos aos que se lles prestará unha maior atención.
Fonte: Generalitat de Catalunya
Boletín
Subscríbase ao boletín
