Cataluña
Unha trintena de institutos de Cataluña ofrece a posibilidade de cursar un terzo do Bacharelato en lingua francesa
Como parte do programa Batxibac, unha trintena de institutos autorizados de Cataluña ofrece aos estudantes de bacharelato a posibilidade de realizar un terzo do curso en lingua francesa ademais de estudar as materias de Lingua francesa e Historia de Francia.
Fonte: E-notícies
O uso social do catalán reduciuse nun 0,5 % durante 2014
Un informe sobre a situación do catalán sinala que o uso social desta lingua se reduciu nun 0,5 % durante 2014. Ademais, o informe tamén conclúe que o Goberno central aumentou a súa presión sobre o catalán.
Fonte: La Vanguardia
O Instituto de Estudos Araneses iníciase como organismo normalizador do aranés
O Instituto de Estudos Araneses iniciará a súas funcións como Academia aranesa da lingua occitana, polo que as súas funcións se ampliarán. A partir de agora, ademais de ser o organismo de referencia da lingua occitana en toda Cataluña, participará na normativización desta lingua con organismos equivalentes doutros territorios.
Fonte: Generalitat de Cataluña
A prensa en catalán xera arredor de 2 500 postos de traballo
O sector da prensa en catalán xera arredor de 2 500 postos de traballo en Cataluña, a maioría deles de redactores de contidos, segundo o Libro Branco das Revistas e a Prensa en Catalán.
Fonte: Generalitat de Cataluña
O número de persoas que escolle o catalán para ler, ir ao cine ou ao teatro aumentou no último ano
Segundo a enquisa Ómnibus 2015, o catalán aumentou como lingua de preferencia dos cataláns para ler, ir ao cine ou ao teatro con respecto aos datos do ano pasado. En concreto, a lectura en catalán aumentou un 3,8 %, ir ao cine un 1,1 % e ir ao teatro un 3 %.
Fonte: La Vanguardia
Un novo acordo busca aumentar o número de películas subtituladas ao catalán que se exhiben nos cines
A Generalitat de Cataluña asinou un acordo cos Cines Texas de Barcelona para aumentar o número de películas que se exhiben en versión orixinal con subtítulos en catalán. Con este acordo, o Goberno catalán busca aumentar o consumo de produtos en catalán.
Fonte: Generalitat de Cataluña
O uso e a comprensión do catalán reducíronse nos últimos anos
A lingua catalá viu reducido o seu uso en Cataluña nun 1,2 % e o seu entendemento nun 2,2 %, segunda datos do período 2003-2013. Tal e como se informou na III Xornada sobre lingua e sociedade nos territorios de fala catalá, a principal causa deste descenso parece ser a migración ocorrida neste mesmo período.
Fonte: La Vanguardia
O Goberno de Cataluña pon en marcha actividades para fomentar a aprendizaxe do catalán entre a comunidade catalá do exterior
Son moitas as actividades que se veñen realizando nos últimos anos para fomentar a aprendizaxe do catalán na comunidade catalá do exterior, especialmente entre os máis pequenos.
Fonte: Generalitat de Catalunya
Unha nova campaña pretende impulsar o uso do catalán nos mercados ambulantes de Cataluña
Baixo o lema "Al mercat en català", esta campaña proporcionaralles aos vendedores ambulantes de Cataluña vocabularios en catalán sobre a venda ambulante.
Fonte: Generalitat de Catalunya
O rexistro de entidades de fomento da lingua catalá aumenta un 20 %
A Consellería catalá de Cultura informou de que o rexistro deste tipo de entidades medrou con respecto ao ano 2014 ata chegar ás 171.
Fonte: El Día
Boletín
Subscríbase ao boletín
