O Fondo de Poboación das Nacións Unidas en Bolivia (UNFPA), coa colaboración do Ministerio de Relacións Exteriores e o Fondo Indíxena, presentará os contidos do seu novo espazo web nos catro idiomas máis usados en Bolivia: español, quechua, aimará e guaraní.

Fonte: El Deber

En Lhasa, a capital de Tíbet, celebrouse unha cerimonia co fin de conmemorar o lanzamento dun proxecto de investigación para o servizo de mensaxes curtas na lingua tibetana. Este proxecto ten como obxectivo facer posible enviar mensaxes curtas nesta lingua.

Fonte: China Tibet Online

Unha deputada presentou na Asemblea Nacional de Panamá un proxecto de lei encamiñado a fomentar o ensino de linguas indíxenas de maneira paralela co español. A medida incluiría linguas como o ngobe buglé, kuna, emberá, wounaan, naso teribe e bri bri.

Fonte: Prensa Latina

Os mozos algonquíns falan cada vez menos a súa lingua. Se non se fai nada, esta desaparecerá dentro dunha ou dúas xeracións. Pero aínda non é demasiado tarde para inverter esta tendencia e son varios os esforzos que se están a realizar nestas comunidades co fin de preservala.

Fonte: Canoë

O Goberno de Canadá acaba de anunciar a concesión de fondos ao Centro Nakoda das Montañas Rochosas para a Conservación da Lingua e a Cultura para o seu proxecto de preservación do nakoda.

Fonte: Maketwire

O cantante e activista cultural e político brasileiro Gilberto Gil será o fío condutor do filme "LEBAB/BABEL", un documental realizado en Cataluña que pretende analizar a situación e o futuro das linguas no século XXI.

Fonte: EFE

Máis que o romanche estandarizado, os falantes da cuarta lingua suíza prefiren o dialecto da súa aldea ou do seu val. Isto é o que se desprende dun estudo do Fondo Nacional Suízo (FNS).

Fonte: Swissinfo

O vicepresidente terceiro do Goberno e ministro de Política Territorial, Manuel Chaves, dixo que, durante a Presidencia española da UE, España seguirá promovendo o uso das linguas cooficiais nas institucións europeas.

Fonte: ADN

O Consello de Ministros de Educación de Canadá anunciou o lanzamento de novos sitios web para os seus programas de linguas oficiais: Explore, Destination Clic e Odyssey.

Fonte: CMEC

A responsable do Bloque Quebequés, Pauline Marois, insistiu na "urxencia de actuar" a favor da lingua francesa en Quebec.

Fonte: Món Divers