Keyúc é o último falante ona do mundo e soña con poder ensinarlles a amigos e descoñecidos as voces do seu pobo, para que a lingua dos seus antepasados patagóns non deixe de viaxar polos fiordes e canles da súa terra.

Fonte: La Gaceta

O ministro de Educación danés, Bertel Haarder, quere que os profesores de linguas estranxeiras estean polo menos medio ano no estranxeiro para aprender mellor as linguas que imparten.

Fonte: The Copenhagen Post

O ministro de Cultura de Cabo Verde negou que vaia dimitir pola exclusión do proxecto de oficialización da lingua caboverdiana da revisión constitucional.

Fonte: AngolaPress

O Comité do Estado español do European Bureau for Lesser-Used Languages (Axencia Europea para as Linguas Minorizadas) instou a Xunta de Galicia a que "poña fin ás iniciativas que tomou nos últimos meses en contra do idioma galego".

Fonte: Qué

Microsoft anunciou que o Windows 7 se traducirá a dez linguas africanas. O sistema estará dispoñible o vindeiro ano nas linguas amharic e suahili e, a partir de 2011, en sesotho sa leboa, setswana, isiXhosa, isiZulu, afrikaans, hausa, igbo e yoruba.

Fonte: IDG Now!

Nun debate parlamentario co comisario para o Multilingüismo Leonard Orban, iniciado pola dirixente suplente do grupo para as minorías nacionais e as linguas rexionais, Kinga Gal, o comisario afirmou que a Comisión "vixiará de cerca" a situación da aplicación da controvertida lei eslovaca das linguas.

Fonte: EBLUL

A canle de noticias 24 horas Euronews incorpora os servizos en lituano, romanés, serbio e ucraíno, xunto coas oito linguas xa existentes as 24 horas todos os días da semana.

Fonte: Rapid TV News

Os costarriqueños poderán aprender bribrí de forma fácil e cómoda grazas á publicación do primeiro libro para o ensino deste idioma: Aprendemos la lengua Bribrí.

Fonte: Teletica

O Ministerio de Cultura e Educación lanzou unha convocatoria para que as organizacións de comunidades de inmigrantes participen no Plan estratéxico para a creación do Instituto de Políticas Lingüísticas que levará adiante o goberno provincial de Misiones.

Fonte: Misiones on Line

A Comisión Europea debería utilizar os cambios legais introducidos polo Tratado de Lisboa para protexer os dereitos das minorías lingüísticas na Unión Europea, segundo instou a eurodeputada letoa Tatjana Zdanoka.

Fonte: EurActiv