A Comunidade de Países de Lingua Portuguesa (CPLP) considera "irreal" fixar unha data de aplicación do acordo ortográfico para unificar a lingua lusa e cre que a adaptación á norma será "lenta" e a ritmos diferentes.

Fonte: EFE

É urxente a creación dun organismo público que represente os intereses da lingua mirandesa para que, deste xeito, a segunda lingua oficial de Portugal deixe de ser tratada e estudada dunha forma voluntaria.

Fonte: Jornal de Notícias

China lanzou un importante proxecto cultural encamiñado a preservar libros e manuscritos en lingua tibetana. Este programa representa o maior esforzo do Goberno central por protexer os textos antigos dun grupo étnico minoritario.

Fonte: CCTV

Está listo o formato de voz coa tradución ao náhuatl da Constitución Política do Estado Libre e Soberano de Puebla. A tradución beneficiará a 77 municipios de forte asentamento náhuatl cunha poboación estimada de 416.968 falantes, de acordo con cifras do Instituto Nacional de Estatística e Xeografía (INEGI).

Fonte: Prodigy msn

Co obxectivo de preservar as linguas indíxenas, a profesora Marília Ferreira, do Instituto de Letras e Comunicación da Universidade Federal do Pará, elaborou o proxecto “Mantendo vivas as voces da selva: documentación das tradicións orais amazónicas”, que, desde 2008, vén documentando aspectos culturais e lingüísticos dos indíxenas.

Fonte: Diário do Pará

A meta para o ano 2010 en materia de educación non é só ofrecer educación gratuíta, senón que o bilingüismo é un dos retos máis importantes que deberán asumir os colexios do Distrito.

Fonte: El Espectador

Os grandes xornais brasileiros xa se adaptaron ás novas regras ortográficas, un ano despois do inicio da adopción do acordo ortográfico no Brasil, o 1 de xaneiro de 2009.

Fonte: Sol

Para este ano, realizaranse cursos que sirvan para fomentar a comprensión do idioma quechua, co propósito de atender e axilizar as causas do sector indíxena de Cotopaxi (provincia de Ecuador).

Fonte: Diario Los Andes

O departamento do vicepresidente da Generalitat de Catalunya, Josep Lluís Carod-Rovira, concedeu en 2009, no marco de axudas á política lingüística, 625.500 euros á Associació Amics de la Bressola para a “execución de actuacións relacionadas coa actividade da escola Bressola durante o ano 2009”.

Fonte: Xornal.com

Daniella Police-Michel, unha profesora de francés da Universidade de Mauricio, afirma que a nación plurilingüe e multicultural quere seguir o modelo canadense de bilingüismo.

Fonte: Calgary Herald