Un grupo de investigadores da Universidade Cornell e os seus colegas crearon teléfonos móbiles que permiten ás persoas xordas comunicarse nunha lingua de signos, coa mesma normalidade coa que as persoas con capacidade auditiva usan teléfonos para falar.

Fonte: Noticias de la Ciencia y la Tecnología

O Goberno de Portugal vaille dar especial importancia á promoción internacional da lingua portuguesa nesta lexislatura, nomeadamente a través do ensino e da súa expansión ao lado de organismos internacionais.

Fonte: RTP

O presidente do Parlamento Europeo, o conservador polaco Jerzy Buzek, rexeitou de novo a posibilidade de utilizar o catalán no hemiciclo co argumento de que a institución só utiliza as linguas oficiais dos estados membro da Unión Europea (UE).

Fonte: El Periódico

Un informe elaborado polo Centro de Lingüísticas Aplicadas e financiado polo Departamento federal de Educación de EEUU sinala que unhas 1.600 escolas públicas e privadas ensinan o idioma oficial chinés, fronte a 300 hai unha década.

Fonte: ABC

A rede británica BBC estrea as súas retransmisións no idioma crioulo para os haitianos. Trátase dun programa diario chamado Conexión Haití e que terá unha duración de 20 minutos.

Fonte: Portal Imprensa

A Unión Europea financiou con máis de 2,3 millóns de euros -procedentes do tema Tecnoloxías da información e as comunicacións do Sétimo Programa Marco (7PM)- o proxecto MOLTO (Tradución plurilingüe en internet), que traballa para desenvolver unha ferramenta de tradución eficiente en internet.

Fonte: Portal TIC

O deputado da circunscrición especial do departamento de Pando, Julio Cortez, demandará na Asemblea Lexislativa “educación e profesores bilingües” para os cinco grupos étnicos que habitan neste departamento boliviano.

Fonte: Erbol

A Academia Norteamericana da Lingua Española acaba de publicar Hablando bien se entiende la gente, unha guía práctica con máis de 300 consellos sobre o uso correcto do idioma español redactada especificamente para os hispanofalantes de Estados Unidos, e que aclara algunhas das dúbidas máis frecuentes no uso do español estadounidense.

Fonte: El Universal

Co fin de garantir o recoñecemento, a protección e o desenvolvemento dos dereitos lingüísticos, individuais e colectivos dos grupos étnicos con tradición lingüística propia, a promoción do uso e desenvolvemento das súas linguas nativas, o presidente de Colombia Álvaro Uribe Vélez sancionou a Lei 1381 do 25 de xaneiro de 2010.

Fonte: SNE

O ensino do español en Brasil atravesa "o mellor momento da súa historia". Fronte ao millón de estudantes desta lingua que había en 2006, hai xa cinco millóns e o probable é que se siga "avanzando a esa velocidade", aínda que faltan uns 12.000 profesores para continuar ao mesmo ritmo.

Fonte: EFE