O secretario xeral de Política Lingüística, Valentín García, e a directora xeral de Xuventude, Participación e Voluntariado, Cristina Pichel, presentaron no Pazo de San Roque a duodécima edición do certame Lingua de namorar, o concurso de declaracións de amor en galego impulsado polas consellerías de Cultura e Política Social para dinamizar o uso da lingua galega entre a mocidade.

Fonte: O Portal da Lingua Galega

O secretario xeral de Política Lingüística, Valentín García, e o director xeral de Centros e Recursos Humanos, Jesús Álvarez, participaron no IES Aquis Celenis (Caldas de Reis) na clausura do programa de dinamización lingüística «21 días co galego e +», iniciativa impulsada pola Consellería de Cultura, Educación, FP e Universidades que nesta quinta edición implicou 12 centros educativos, case 400 docentes, 88 membros do persoal de administración e servizos e 4078 estudantes de 10 a 18 anos xunto coas súas respectivas familias.

Fonte: O Portal da Lingua Galega

A Facultade de Ciencias Xurídicas e do Traballo abriu o prazo para participar na segunda edición do Premio de investigación xurídica en lingua galega Xosé Luis Franco, un galardón que ten como obxectivo contribuír ao proceso de dinamización lingüística da Universidade de Vigo e fomentar o uso do galego nos traballos de investigación xurídica entre o alumnado.

Fonte: Universidade de Vigo

O Concello da Coruña abriu o prazo de inscrición na décima edición do Concurso de Monólogos Cómicos en Lingua Galega, un certame dirixido ao alumnado de secundaria, bacharelato e FP dos centros educativos da cidade que ten como obxectivo de fomentar o uso do galego entre a mocidade.

Fonte: Concello da Coruña

O secretario xeral de Política Lingüística, Valentín García, e o director xeral de Centros e Recursos Humanos, Jesús Álvarez, participaron no acto de apertura da quinta edición do programa «21 días co galego e + » impulsado pola Consellería de Cultura, Educación, FP e Universidades co obxectivo de promover o uso da lingua galega entre a xente nova tanto fóra como dentro da contorna escolar.

Fonte: O Portal da Lingua Galega

A Xunta de Galicia publicou dúas convocatorias de axudas para a presentación de proxectos de fomento do uso do galego no ámbito do ensino non universitario durante o curso 2022/2023, unha dirixida a centros de titularidade pública e outra a centros de titularidade privada.

Fonte: Consello da Cultura Galega

Este certame, organizado polos servizos de normalización lingüística de doce concellos, das tres universidades e da Deputación da Coruña, xa ten os finalistas desta sexta edición para os seus oito premios que se disputarán 22 propostas.

Fonte: Galicia Confidencial

O Concurso “Quero Cantar”, dirixido a solistas ou grupos musicais integrados por rapaces e rapazas de ata 16 anos, ten como obxectivo promover o uso do galego, así como a creatividade poética e musical entre a poboación infantil e xuvenil.

Fonte: Consello da Cultura Galega

O secretario xeral de Política Lingüística, Valentín García, presentou a programación dunha nova edición de Nadal en Rede, o programa de dinamización lingüística impulsado pola Xunta de Galicia que arranca este venres e levará actividades para público familiar a unha vintena de concellos.

Fonte: O Portal da Lingua Galega

O equipo formado por María Santalla Martínez e Daniel Alejandro Santiago Mayoral fixéronse co galardón do certame Xuventude Crea 2022 na especialidade de Creación de videoxogos coa proposta ‘K.I.W.I’. A través deste programa, o Executivo autonómico recoñece o talento e a creatividade da mocidade galega en distintas categorías.

Fonte: O Portal da Lingua Galega