Mocidade
Os certames ‘Inventa en galego’ e ‘Novos poliedros’ premian a innovación científica e o uso da lingua galega entre a mocidade
O secretario xeral de Política Lingüística, Valentín García, participou no Pazo de San Roque no acto de entrega da última edición dos certames Novos Poliedros e Inventa en galego, convocados co gallo do Mes da Ciencia en galego por Igaciencia -Institución Galega da Ciencia- coa colaboración da Xunta de Galicia para promover entre a mocidade a innovación tecnolóxica en lingua galega.
Fonte: O Portal da Lingua Galega
Convócase unha nova edición dos premios a curtas de animación en galego “Nós tamén creamos!”
A Secretaría Xeral de Política Lingüística e a Dirección Xeral de Ordenación e Innovación Educativa convocan a edición 2022-2023 dos premios a curtas de animación en galego “Nós tamén creamos!”. O certame conta con tres categorías: segundo ciclo de educación infantil, primeiro e segundo de educación primaria, e terceiro e cuarto de educación primaria.
Fonte: Consello da Cultura Galega
O Concello de Vilagarcía organiza un obradoiro para fomentar o uso do galego no ámbito familiar
O sábado 3 de decembro o Concello de Vilagarcía organiza o obradoiro «O Lar das Palabras», unha actividade dirixida a familias con fillas/os con idades de 3 a 8 anos durante a que realizarán o seu propio dicionario en galego.
Fonte: Consello da Cultura Galega
A Real Academia Galega publica un estudo sobre a incidencia na desgaleguización da infancia das actividades extraescolares e de conciliación
O Seminario de Sociolingüística realizou un novo estudo para afondar na análise dos factores que inflúen no abandono do galego durante a infancia. Nel constátase a importancia dos centros educativos e, máis concretamente, doutros espazos como as actividades extraescolares, de conciliación e deportivas.
Fonte: Real Academia Galega
A V edición do Certame de Podcast ‘Xosé Mosquera Pérez' conmemora o 90 aniversario da radio en Galicia
O secretario xeral de Política Lingüística, Valentín García, participou na presentación do V Certame de Podcast “Xosé Mosquera Pérez, O vello dos contos”, organizado polo IES Plurilingüe Rosalía de Castro de Santiago de Compostela, Arraianos Producións e o colectivo Ponte … nas Ondas! coa colaboración da Consellería de Cultura, Educación, FP e Universidades.
Fonte: O Portal da Lingua Galega
A Facultade de Veterinaria da Universidade de Santiago organiza unha campaña para favorecer a integración lingüística do alumnado
A Facultade de Veterinaria do Campus de Lugo busca coa campaña de dinamización do galego ‘Cambia a túa mirada’ favorecer a integración lingüística do alumnado procedente de fóra de Galicia.
A Universidade de Vigo organiza o único hackatón dirixido a incorporar contidos ao Galizionario
A Facultade de Ciencias da Educación e do Deporte acolle o único hackatón dirixido a incorporar novos contidos ao Galizionario, a versión en galego do Wiktionary que conta a día de hoxe con máis de 75 000 entradas.
Fonte: Universidade de Vigo
A Xunta adxudica dez bolsas de formación para a investigación en humanidades no Centro Ramón Piñeiro
A Xunta de Galicia publica no Diario Oficial de Galicia a resolución de adxudicación de 10 bolsas de formación no Centro Ramón Piñeiro para a Investigación en Humanidades, unhas axudas formativas nas que o Goberno galego inviste 237 600 € e coas que busca cada ano fomentar a formación e capacitación das persoas con titulación universitaria, promovendo ao mesmo tempo o ensino, a cultura e a investigación en lingua galega.
Fonte: O Portal da Lingua Galega
A delegada da Xunta en Ferrol pon en valor accións como o Laboratorio de Apoderamento Lingüístico de Ferrolterra á hora de fornecer o uso do galego
A delegada da Xunta en Ferrol, Martina Aneiros, abriu a sesión de prototipado do Laboratorio de Apoderamento Lingüístico de Ferrolterra deseñado pola cooperativa Rexenerando ao abeiro do programa TeCe Redes en galego da Secretaría Xeral de Política Lingüística.
Fonte: O Portal da Lingua Galega
Un novo web promove entre a mocidade creacións musicais e poéticas galegas e portuguesas co apoio da Xunta
O secretario xeral de Política Lingüística, Valentín García, participou na presentación da aplicación web play.aritmar.com, impulsada pola Escola Oficial de Idiomas de Santiago de Compostela co apoio da Consellería de Cultura, Educación, FP e Universidades co obxectivo de promover a música e a poesía galegas e portuguesas, especialmente entre a mocidade.
Fonte: O Portal da Lingua Galega
Boletín
Subscríbase ao boletín
