O secretario xeral de Relacións Exteriores clausurou en México D.F. as actividades da Semana Cultural de Galicia, enmarcadas na Cátedra Bibiano Fernánez Osorio-Tafall da Universidade Nacional Autónoma de México

Fernández Mato afirmou que “o galego é, na actualidade, obxecto de estudo en máis de 45 universidades de todo o mundo”

Previamente, nas actividades da Semana Cultural o director da Editorial Galaxia, Manuel Bragado pronunciou un relatorio sobre A Edición Contemporánea en Galicia

O secretario xeral de Relacións Exteriores da Xunta, Julio Fernández Mato, clausurou a semana de actividades da Cátedra Bibiano Fernández Osorio–Tafall, de Lingua, Literatura e Cultura Galegas na Universidade Nacional Autónoma de México. No decurso do seu relatorio, Fernández Mato referiuse á potencialidade que supón o idioma galego para a acción exterior de Galicia, especialmente na área lusófona (Portugal, Brasil, algúns países africanos e mesmo territorios asiáticos). Segundo Fernández Mato, esta potencialidade representa unha opotunidade para desenvolver unha acción exterior “singular e propia”.

“Hai un espazo que vén constituído polo mundo lusófono no que o potencial do galego se fai palpable e evidente”, destacou Fernández Mato. “A oportunidade que temos os galegos de entendernos, usando a nosa lingua, cos falantes da lingua portuguesa confire ao espazo lusófono un dos ámbitos máis interesantes para a difusión exterior da nosa lingua e literatura”, engadiu.

Estudo do galego en 45 universidades
O secretario xeral de Relacións Exteriores destacou tamén que “a UNAM nos ofrece un marco privilexiado para difundir a lingua e a cultura de Galicia posto que nos encontramos nun dos centros universitarios máis grandes e importantes de toda Iberoamérica”.

Por outra banda, Fernández Mato sinalou que“neste momento se pode estudar a lingua e a cultura galega en máis de 45 universidades de todo o mundo”. Son centros que contan con centros de estudos de lingua galega nos que se imparten clases adaptadas “xa sexa de conversa, gramática ou cursos de civilización e historia da lingua”, manifestou.

Rede de galegos no exterior
Xunto a isto, o secretario xeral destacou “o potente capital humano que representan os cidadáns galegos no exterior”. Segundo valorou, esta rede “permitiu á nosa lingua chegar a cidades tan dispares entre si como Sydney, Buenos Aires ou Zürich”. Segundo afirmou, o colectivo de galegos no exterior “contribúe de xeito decisivo á internacionalización da nosa lingua e cultura” .

A edición contemporánea en Galicia
Previamente, á clasura das actividades da Semana Cultural de Galicia en México, o director de Edicións Xerais, Manuel Bragado, pronunciou un relatorio na UNAM sobre a edición contemporánea en Galicia.

Bragado presentou unha panorámica do estado actual da edición en galego, ofrecendo os datos máis significativos da produción editorial e da súa tipoloxía, ao tempo que analizando as causas da “esperanzadora” situación do sector. Os retos e tendencias de futuro, no contexto da actual revolución dixital no mundo da edición internacional, foron abordardos na última parte da súa intervención.

Fonte: Xunta de Galicia

A lingua é un dos atributos máis importantes da cultura dun pobo, xa que perpetúa a súa forma particular de ver o mundo. De aí a importancia do lanzamento dos libros “Perfil sociolingüístico de las comunidades mapuche de la VIII, IX y X región”, “Manual para la enseñanza de la lengua mapuche” y “Manual para la enseñanza de la lengua aymara”, realizados polo Fondo de Cultura y Educación de la Corporación Nacional de Desarrollo Indígena (CONADI) en colaboración coa Universidad Tecnológica Metropolitana (UTEM).

Fonte: Conadi

A política lingüística oficial de Kiev constitúe "unha afronta á lingua rusa" e unha violación directa dos dereitos do ser humano e da Carta europea das linguas rexionais e minoritarias, declarou Viktor Ianoukovitch, líder do Parti des régions, o partido da oposición máis grande de Ucraína.

Fonte: Novosti

O 800 aniversario do nacemento de Xaime I o Conquistador viviuse na súa cidade natal de Montpellier (sueste de Francia) cunha reivindicación do occitano e dos lazos desta rexión do sueste francés con Cataluña e Valencia.

Fonte: Público

Este portal, que agrupa unha rede de 63 centros de información repartidos por todo o mundo, difunde informacións sobre o traballo das Nacións Unidas en 130 linguas diferentes, entre as que están as seis linguas oficiais da ONU.

Fonte: Oui au breton

Os dous acordos que se asinen durante o IX Cumio Brasil-Portugal en Salvador da Baía estarán xa na nova ortografía da lingua portuguesa, segundo revelou á Axencia Lusa o xefe do Departamento Europa do Ministerio brasileiro de Relacións Exteriores.

Fonte: Expresso

A Academia Filipina de la Lengua Española carece de licenza legal para desempeñar a súa función, o que dá mostra da situación en que se atopa a institución, que viviu unha existencia anémica desde que fora fundada, en 1924, antes do comezo do rápido declive do español no país.

Fonte: El País

Os lexisladores María Inés Maza e Facundo López solicitáronlle ao Parlamento Patagónico que inclúa no temario unha iniciativa que promove a creación do programa para o rescate das linguas orixinarias dos pobos indíxenas da rexión da Patagonia.

Fonte: ADN

A dirección de Radio Francia Internacional (RFI) estuda reforzar os seus servizos en español e considera pechar, por baixa audiencia, os que ofrece noutros seis idiomas: alemán, albanés, polaco, serbocroata, turco e laosiano, segundo informaron fontes sindicais.

Fonte: El Mundo

O presidente brasileiro e o primeiro ministro portugués destacaron o compromiso dos dous países para que a lingua portuguesa se converta en idioma oficial das Nacións Unidas e doutras institucións internacionais.

Fonte: Portugal Diário