O informe do Goberno Federal sobre o futuro dos programas de lingua indíxena nas escolas afirma que os profesores precisan unha mellor formación para asegurar o éxito dos cursos no futuro. Na actualidade ensínanse en Australia máis de 80 linguas diferentes en arredor de 260 escolas.

Fonte: ABC

O obxectivo desta iniciativa é sementar nos nenos e na cidadanía a semente da preservación do náhuatl, a lingua máis importante no mundo precolombiano e que hoxe está viva na cidade de México.

Fonte: La Jornada

Un grupo de lexisladores do estado mexicano de Iucatán, no sueste do país, propuxo traducir ao maia a constitución local para realzar a vixencia dese idioma, que falan arredor de 400.000 persoas nese territorio.

Fonte: El Universal

A Comisión de Educación, Cultura e Deporte aprobou o proxecto de lei do senador Cristovam Buarque polo que será obrigatorio o ensino da lingua de signos brasileira na educación infantil e no ensino fundamental.

Fonte: Senado Federal

A partir de marzo de 2009, Arxentina terá a primeira sede do Cono Sur do Instituto Confucio para o ensino do idioma chinés. Despois de catro anos de xestións entre a Universidade de Bos Aires (UBA) e o Goberno da República Popular Chinesa, a representación arxentina sumarase ás 300 que funcionan en 78 países.

Fonte: La Nación

A comisión xurídica do Seimas, o Parlamento de Letonia, aprobou un proxecto de lei para duplicar as multas polo uso insuficiente do idioma oficial no lugar de traballo, segundo informou o diario dixital ruso Newsru.com. Así, a multa por non utilizar o letón no traballo ascenderá de 25 a 50 lates (de 50 a 100 dólares) e por non ofrecer tradución en actos públicos, de 100 a 200 lates (de 200 a 400 dólares).

Fonte: La Razón

Aproban que se leven a cabo as traducións correspondentes ao Himno do Estado de Chihuahua, aos dialectos e linguas utilizados polos pobos indíxenas e demais minorías culturais, recoñecidas na entidade, a efecto de lograr unha maior difusión, ensinanza e interpretación deste nas institucións educativas situadas na zona da serra e rural do Estado.

Fonte: El Sol de México

Bolivia celebrou este mércores o Día Internacional dos Dereitos Humanos cunha lectura continua de 24 horas e en distintos idiomas da Declaración Universal dos Dereitos Humanos.

Fonte: ECO Diario

Desde que se iniciou o proceso de integración de países da rexión, a través do Mercosur, con todos os tratados en diversas materias que se foron dando, unha das preocupacións estivo orientada cara á unificación lingüística, tendo en conta que o país de maior poboación do bloque, Brasil, ten un idioma diferente ao resto: o portugués. Neste sentido, existe no Congreso Nacional un proxecto que impulsa o ensino dese idioma nas escolas secundarias de todo o país.

Fonte: La República

A conservadora Unión Cristianodemócrata (CDU) abriu a caixa dos tronos ao amosarse partidaria de introducir unha emenda na Lei básica (Constitución) para que o alemán sexa declarado idioma oficial do Estado. Por unha banda, acusan a CDU de "nacionalista" e de pretender "asimilar" os inmigrantes. Por outra, as minorías autóctonas reclamaron que, se se oficializa o alemán, daquela as súas linguas tamén deben ser recoñecidas na Lei básica.

Fonte: Món divers