Durante a celebración do 40 aniversario da Federación de Persoas Xordas de Cataluña, o Goberno catalán recoñeceu o seu labor no impulso do recoñecemento da lingua de signos catalá. Tamén agradeceu a súa implicación en proxectos de normalización, como o de definición dos diferentes niveis en lingua de signos de Cataluña segundo o marco europeo de referencia.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de xullo de 2019
Un estudo elaborado pola Universidade de Helsinqui revelou que o uso da música pode ter efectos beneficiosos no desenvolvemento da produción oral das persoas con discapacidade auditiva.
Fonte: The Sector
01 de xullo de 2019
Con case 6 millóns de falantes, o makhuwa continúa sendo a lingua máis falada de Mozambique. O portugués, a lingua oficial do país africano, conta con 3,6 millóns de falantes.
Fonte: Verdade
01 de xullo de 2019
Este novo posgrao, do que tamén existe un curso de especialización, está pensado para persoas licenciadas en disciplinas da rama lingüística con coñecementos superiores en lingua catalá. Habilita as persoas que o cursan no exercicio da corrección editorial e o asesoramento lingüístico a calquera empresa.
Fonte: Generalitat de Catalunya
01 de xullo de 2019
A Consellería de Cultura, Participación e Deportes balear abre unha nova convocatoria de subvencións dirixidas a empresas e entidades sen ánimo de lucro que teñen como actividade a edición de publicacións de carácter periodístico. A finalidade destas axudas, 275 000 euros en total, é apoiar proxectos de prensa diaria escrita, total ou parcialmente, en catalán.
Fonte: 20 minutos
01 de xullo de 2019
O conselleiro de Cultura e Turismo, Román Rodríguez, e Gonzalo Vázquez, director da Área Institucional e de Cultura da Fundación Repsol, asinaron un acordo de colaboración en materia de normalización lingüística que inclúe a organización conxunta da 13ª edición do Premio de Narrativa Breve Repsol 2019 para escritores en lingua galega.
01 de xullo de 2019
Os Bolechas non podían faltar á súa cita anual co FalaRedes. Sonia, Tatá, Pili, Loli, Carlos e Braulio, acompañados polo seu fiel can Chispa, pararán en 21 concellos da Rede de Dinamización Lingüística (RDL) para falarlles aos máis pequenos da casa dos membros da familia.
Fonte: O Portal da Lingua Galega
28 de xuño de 2019
O obxectivo destas subvencións é mellorar a presenza do éuscaro entre os negocios da cidade. Por iso, outorgaranse axudas para cambiar de idioma os rótulos principais dos negocios, para as inscricións do interior dos locais e para mellorar as imaxes corporativas, entre outras accións.
Fonte: Diario Vasco
28 de xuño de 2019
Os artigos neste idioma ocupan xa o posto número 29 entre as 302 linguas nas que existen artigos publicados en wikipedia. Este proxecto, acordado entre o Goberno Vasco e Euskal Wikilarien Kultura Elkartea e que conta coa participación de máis de 2500 estudantes, anima a alumnos e alumnas a xerar novos artigos divulgativos en éuscaro a través desta rede.
Fonte: Deia
28 de xuño de 2019
Seis son os proxectos gañadores da primeira edición dos Premios Mil Primaveras, impulsados pola Coordinadora de Traballadores/as de Normalización da Lingua co obxectivo de recoñecer e difundir iniciativas, campañas ou proxectos destinados ao fomento do galego e ao incremento do seu uso e prestixio.
Fonte: Consello da Cultura Galega
Boletín
Subscríbase ao boletín
