O xornal estadounidense The Washington Post amplía o seu contido en lingua española coa publicación dun podcast e columnas de opinión nesa lingua.
Fonte: Click on Detroit
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xuño de 2019
O alumnado finlandés de último ano do ensino secundario que fala sueco como lingua materna consegue mellores resultados académicos que aqueles que teñen o finés como primeiro idioma.
Fonte: YLE
28 de xuño de 2019
A empresa de software Mozillla está animando falantes de galés de todo o mundo a gravar as súas voces en galés a través da plataforma de recoñecemento vocal Common Voices co obxectivo de mellorar os servizos dixitais en galés e salvagardar o futuro dixital do idioma.
Fonte: News from Wales
28 de xuño de 2019
Varios países iberoamericanos reuníronse en Bolivia para acordar a creación do Instituto de Linguas Indíxenas que velará pola preservación e desenvolvemento dos idiomas nativos que se falan nos seus territorios.
Fonte: La Vanguardia
27 de xuño de 2019
O Boletín Oficial da Provincia de Pontevedra publicou a aprobación definitiva do Regulamento do uso do galego no Concello de Moraña, aprobado no Pleno municipal o 7 de marzo de 2019 e no que se declara o galego idioma oficial do Concello.
Fonte: CTNL
27 de xuño de 2019
Os sindicatos CSIF e APF critican a decisión de esixir o coñecemento de éuscaro nalgunhas prazas na Administración e na Policía Foral.
Fonte: Noticias de Navarra
27 de xuño de 2019
O director xeral de Políticas Culturais, Anxo M. Lorenzo, participou no castelo de Soutomaior na cerimonia de entrega da XXV edición dos Premios Lois Peña Novo, que concede a Fundación Lois Peña Novo co apoio da Consellería de Cultura e Turismo.
Fonte: O Portal da Lingua Galega
26 de xuño de 2019
Un informe elaborado polo municipio galés de Gwynedd revelou que se deben facer máis esforzos para garantir que os nenos e as nenas que falan galés no ámbito educativo sigan adoptando a lingua como código de comunicación social fóra da escola.
Fonte: Daily Post
26 de xuño de 2019
A partir do próximo ano lectivo, Lisboa abrirá un novo centro de ensino superior lusófono, o Instituto Politécnico da Lusofonía (IPLuso) que terá oferta educativa en diferentes áreas como administración, comunicación, arte, educación e saúde, entre outras.
Fonte: Diário de Notícias
26 de xuño de 2019
O grupo Administrazioan Euskaraz Talde (AET) sinala que a oferta do Concello de Pamplona e do Goberno de Navarra non cobre a demanda do modelo de éuscaro nas escolas infantís da cidade.
Fonte: Navarra.com
Boletín
Subscríbase ao boletín
