A vila bretoa de Plougastel-Daoulas ofrece unha recompensa de 2000 euros á persoa que consiga descifrar o significado dunha estraña inscrición escrita nunha lingua descoñecida que apareceu nunha rocha bañada polo mar.
Fonte: GEO
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de maio de 2019
10 de maio de 2019
O escritor luso António Pedro Serrano de Sousa Correia venceu a cuarta edición do premio literario de novos talentos da Unión das Cidades Capitais de Lingua Portuguesa (UCCLA) pola súa obra Praças.
Fonte: Observador
10 de maio de 2019
O Concello de Santiago pon en marcha a cuarta edición do #Fotolingua, un concurso que ten como obxectivo darlles visibilidade aos establecementos comerciais da cidade comprometidos co emprego da lingua galega.
10 de maio de 2019
En 2018 presentáronse 333 teses na Universidade do País Vasco, 33 das cales estaban en éuscaro. Delas, 17 obtiveron a cualificación internacional, o dobre que en 2017. Para promover a investigación nesta lingua, entréganse os Premios Koldo Mitxelena de Teses en Éuscaro, que este ano chegan á súa cuarta edición.
Fonte: El Correo
10 de maio de 2019
O novo curso, denominado Ep! Escolta i Parla, foi creado pola Dirección Xeral de Política Lingüística, xunto co Consorcio para a Normalización Lingüística, e está dirixido a persoas que non poden utilizar a lingua escrita como base da súa aprendizaxe. A finalidade é dar resposta ao incremento de persoas non alfabetizadas ou con dificultades de aprendizaxe que queren aprender catalán.
10 de maio de 2019
O secretario xeral de Política Lingüística, Valentín García, participou no acto de entrega dos premios do 28º Certame de Narracións Breves Manuel Murguía, que convoca o Concello de Arteixo co apoio da Consellería de Cultura e Turismo.
Fonte: O Portal da Lingua Galega
10 de maio de 2019
Con motivo do encontro anual das Escolas Portuguesas no Estranxeiro (EPE) celebrado en Praia, Cabo Verde, o ministro de Educación de Portugal, Tiago Brandão Rodrigues, defendeu a importancia global da lingua portuguesa.
Fonte: Notícias ao Minuto
10 de maio de 2019
A plataforma Hand Talk, que permite traducir portugués á lingua de signos brasileira, recibiu un importante premio de Google, o Desafío Google de Impacto en Intelixencia Artificial (IA).
Fonte: Mundo Bit
09 de maio de 2019
O director xeral de Políticas Culturais, Anxo M. Lorenzo, participou na presentación do documental Revisitando a Antonio Fraguas, un proxecto audiovisual dirixido por Gonzalo Veloso que apoia a Consellería de Cultura e Turismo no marco da programación institucional Letras Galegas 2019 da Xunta de Galicia.
Fonte: O Portal da Lingua Galega
08 de maio de 2019
O Goberno de Ontario (Canadá) destinará case 20 millóns de dólares a iniciativas e proxectos que teñan como obxectivo o desenvolvemento dun ensino francófono de calidade.
Fonte: Ontario News
Boletín
Subscríbase ao boletín
