O Tribunal Constitucional anulou varios artigos da Lei de educación de Cataluña porque non se axustan á normativa estatal. Porén, declarou constitucionais os relativos ao réxime de inmersión lingüística.
Fonte: El Nacional
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de abril de 2019
26 de abril de 2019
O secretario xeral de Política Lingüística, Valentín García, asistiu á presentación do novo espectáculo Amantes da Terra, que promoven Queiman e Pousa no marco da programación institucional das Letras Galegas 2019 xunto a Consellería de Cultura nos concellos de Vilalba, Portas e Redondela.
Fonte: O Portal da Lingua Galega
26 de abril de 2019
O Parlamento de Ucraína aprobou unha polémica lei que garantirá o deber de toda a cidadanía do país eslavo de coñecer o idioma e o dereito a usalo en todas as esferas da vida pública.
Fonte: The Guardian
26 de abril de 2019
Un estudo elaborado pola Universidade Fudan de Xangai revelou que as linguas sino-tibetanas que abranguen o 20 % dos falantes do planeta proceden dun idioma antigo falado no norte da actual China.
Fonte: New Scientist
25 de abril de 2019
O Tribunal Supremo estuda unha ordenanza municipal de Lasarte-Oria que esixe o uso exclusivo do éuscaro en actividades para menores de 16 anos se estas recibiron subvencións.
Fonte: Cadena Ser
25 de abril de 2019
A Deputación de Pontevedra publicou a resolución da convocatoria de axudas destinadas aos concellos e outras entidades locais da provincia para a creación ou o mantemento de servizos de normalización lingüística, ou o desenvolvemento de programas de dinamización do galego.
Fonte: Consello da Cultura Galega
25 de abril de 2019
Segundo un informe do Observatorio de Neoloxía da Universidade de Vigo, no último ano identificaron para o galego un total de 2144 novas palabras, extraídas dun corpus de análise constituído por varias publicacións en liña, o que demostra a vitalidade desta lingua, comparable á doutras como o español ou o portugués.
Fonte: Universidade de Vigo
25 de abril de 2019
A Deputación de Guipúscoa quere animar a cidadanía a que presente a declaración da renda en éuscaro e pasar das 74 000 ás 100 000 liquidacións nesta lingua en 2022. Para acadar este obxectivo publicou un breve dicionario con termos técnicos que sirva de axuda nesta iniciativa.
Fonte: Diario Vasco
24 de abril de 2019
O Consello de Cornualles iniciou unha nova campaña de tres anos que ten como obxectivo o incremento do uso social da lingua córnica.
Fonte: Cornwall Live
24 de abril de 2019
O candidato ao Parlamento Europeo por Malta, Peter Agius, declarouse contrario ás medidas que pretenden degradar o nivel e uso da lingua maltesa en Europa.
Fonte: Malta Today
Boletín
Subscríbase ao boletín
