Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un total de 100 novos termos científicos están a punto de ser incorporados á lingua de signos británica grazas ao traballo dun grupo de investigadores e persoas con discapacidade auditiva. O obxectivo é normalizar o uso desta lingua no ámbito científico.
Fonte: Galileu
O ministro de Educación de Marrocos, Said Amzazi, defendeu a aprobación da lei que introduce o uso do francés como lingua de instrución nas materias científicas e técnicas das escolas do país norteafricano.
Fonte: Morocco World News
O FalaRedes, o programa de dinamización que a Xunta de Galicia impulsa a través da Secretaría Xeral de Política Lingüística, chega aos concellos de Mos, Ramirás, Barreiros, Nogueira de Ramuín e Oímbra pertencentes á Rede de Dinamización Lingüística (RDL).
Fonte: O Portal da Lingua Galega
O acto de entrega de diplomas puxo fin á XXXII edición dos cursos de lingua e cultura galegas "Galego sen fronteiras", unha iniciativa de inmersión en galego coorganizada pola Real Academia Galega e o Instituto da Lingua Galega da Universidade de Santiago de Compostela.
A Dirección Xeral de Política Lingüística de Cataluña apoiará a campaña "Non me cambies a lingua" coa que se pretende que os falantes de catalán manteñan a lingua catalá en conversas con persoas que non saben se falan catalán.
Fonte: Generalitat de Catalunya
Co obxectivo de preservar os dereitos lingüísticos dos cidadáns e cidadás de Cataluña, o Departamento de Cultura da Generalitat de Cataluña incorpora agora a versión do seu sitio web en aranés, inglés e castelán. Esta acción, que supón a tradución de máis de 300 páxinas web, forma parte do proceso de incorporación progresiva do aranés ao ámbito institucional.
Fonte: Generalitat de Catalunya
O dramaturgo, director e narrador escénico Quico Cadaval abordou a historia do teatro no relatorio que lle impartiu ao alumnado dos cursos de lingua e cultura galegas "Galego sen fronteiras".
Fonte: RAG
Un total de 27 alumnos e alumnas de diferentes nacionalidades están en Vigo para aprender ou perfeccionar o seu español nos cursos intensivos que se ofrecen no Centro de Linguas da Universidade de Vigo.
Fonte. DUVI
A traballadora do servizo administrativo do centro de saúde de Beniparrell dependente da Consellería de Educación esixiu ao interesado que se comunicase en castelán alegando que non entendía o valenciano.
Fonte: Valencia Extra
Un total 3 674 persoas presentáronse aos exames de catalán para obter o certificado oficial da Dirección Xeral de Política Lingüística, o que supón o 70,76 % das persoas que se inscribiron nas probas. O número de inscritos incrementouse un 12 % respecto ao ano anterior.
Fonte: Generalitat de Catalunya
Subscríbase ao boletín
