Jessica Rodríguez Sánchez, Óscar Fernández Freire e Claudia Martínez Asenjoson son as persoas gañadoras dos tres primeiros premios, nas modalidades de adultos, xuvenil e infantil, do II Concurso de microrrelatos convocado pola Real Academia Galega e PuntoGal co obxectivo reforzar a presenza da lingua e da identidade galegas no mundo dixital.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de abril de 2019
24 de abril de 2019
Optimot inicia en Twitter unha nova edición do seu concurso de San Jordi no que lles propón aos seus seguidores que publiquen no seu perfil desta rede social dous versos pareados cun ton satírico ou humorístico que conteñan unha palabra composta en catalán.
Fonte: Generalitat de Catalunya
24 de abril de 2019
Era isla des diamants de Jusèp Condò é o título do primeiro audiolibro en aranés, editado co gallo do Día de San Jordi polo Instituto de Estudos Araneses. Trátase dun dos textos clásicos do rexurdimento da literatura occitana de finais do século XIX e principios do XX.
Fonte: Generalitat de Catalunya
24 de abril de 2019
A Universidade de Santiago convoca a oitava edición do concurso ‘Somos a curta!’, enfocado cara ao cinema do real, co obxectivo de fomentar o uso da lingua galega no ámbito audiovisual. Poderá participar neste certame o alumnado das tres universidades galegas e o do bacharelato artístico e das diferentes escolas de Imaxe e Son de Galicia.
23 de abril de 2019
O Ministerio da Cultura de Portugal desenvolverá un proxecto co Instituto Camões e a Imprenta Nacional da Casa da Moeda que permitirá a publicación e divulgación de patrimonio bibliográfico en lingua portuguesa co catálogo Gram Bem Querer: Mostra de Literatura em Língua Portuguesa.
Fonte: Linhas de Elvas
23 de abril de 2019
Un programa piloto do Ministerio de Educación de Irlanda podería introducir instrución en gaélico irlandés ou noutras linguas non maternas en materias non lingüísticas como, por exemplo, Educación Física.
Fonte: The Journal
23 de abril de 2019
Das case 500 persoas que se presentaron ás probas de lingua aragonesa, correspondentes aos niveis B2, B1 e A2, un total de 161 obtiveron por primeira vez unha titulación oficial.
Fonte: Heraldo
23 de abril de 2019
O Concello de Azkoitia concederá como máximo a cada empresa 2000 euros anuais, que se complementarán coa subvención que reciban do Goberno vasco, para desenvolver plans de éuscaro. Entre os requisitos para solicitar a axuda figuran dispoñer de domicilio social e fiscal en Azkoitia e que o plan estea deseñando ou que se estea a desenvolver no exercicio en que se concede esta.
Fonte: Diario Vasco
22 de abril de 2019
En declaracións con motivo da súa visita a Moscova, a presidenta de Estonia, Kersti Kaljulaid, defendeu que a minoría lingüística rusa do seu país non supón unha ameaza para a democracia estoniana.
Fonte: TASS
22 de abril de 2019
A Axencia de Turismo do Xapón publicou un estudo que revela que o país nipón está tendo dificultades para adaptarse aos requisitos lingüísticos de tradución de servizos ao inglés de cara ás olimpíadas de 2020. Algúns sitios web de medios de transporte presentan erros graves de tradución do xaponés ao inglés.
Fonte: Khmer Times
Boletín
Subscríbase ao boletín
