Co fin de propoñerlle como referencia ao alumnado as figuras de empresarios comprometidos coa realidade e a lingua propia de Galicia, a Escola Universitaria de Estudos Empresariais da Universidade de Vigo deu un paso máis no proxecto iniciado hai dous anos de galeguizar o seu aulario. Fíxoo dándolle o nome do escritor, artista e empresario Isaac Díaz Pardo a unha das súas clases.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de abril de 2019
04 de abril de 2019
O Goberno vasco e a Oficina Pública da Lingua Vasca de Iparralde ratificaron o seu compromiso para colaborar co fomento do éuscaro en Iparralde, ao que ambos os organismos destinarán 1 930 000 euros.
Fonte: Eitb
04 de abril de 2019
O Concello de Santiago presentou o proxecto #SenCancelas, unha iniciativa de lecer destinada ás mozas e mozos que naceron entre os anos 2002 e 2005 para que conten cun contexto de socialización en lingua galega.
04 de abril de 2019
O Concello de Galdakao aprobou o VI Plan de uso do éuscaro 2019-2022 que ten entre os seus obxectivos o respecto aos dereitos lingüísticos da cidadanía, a utilización da lingua vasca na Administración ou o seu fomento como lingua vehicular no contorno laboral.
Fonte: Deia
03 de abril de 2019
Un acordo entre Arabia Saudita e China permitirá que o país de Oriente Medio introduza o ensino do chinés en todas as etapas educativas, incluída a universitaria.
Fonte: Gulf
03 de abril de 2019
Varios municipios de Biscaia puxeron en marcha un ano máis a campaña 'Nahi dudalako!', co obxectivo de animar o alumnado que cursa 4º da ESO a escoller os modelos en éuscaro en Bacharelato e Formación Profesional. A través da web da iniciativa (www.nahidudalako.eus) achegan información relativa a diferentes temas, como os centros educativos que ofrecen a oportunidade de estudar nesta lingua.
03 de abril de 2019
A Consellería de Cultura e Turismo convoca unha liña de subvencións destinadas á creación, mantemento ou reforzamento de servizos de normalización lingüística nas entidades locais, así como ao desenvolvemento de programas de dinamización lingüística.
Fonte: Consello da Cultura Galega
03 de abril de 2019
O Bispado de Lleida envioulle un escrito de alegacións ao Xulgado de Primeira Instancia de Barbastro no que defende o uso do catalán no xuízo de bens histórico-artísticos de parroquias aragonesas por considerar que é unha lingua oficial en Aragón.
Fonte: La Vanguardia
03 de abril de 2019
O secretario xeral de Política Lingüística, Valentín García, participou na homenaxe a Rosalía de Castro (1837-1885) e á investigadora Victoria Álvarez Ruiz de Ojeda (1961-2018) organizada pola Secretaría Xeral de Política Lingüística e polo IES de Mos e celebrada na capela do Hostal dos Reis Católicos, lugar onde foi bautizada en 1837 a primeira destas mulleres.
02 de abril de 2019
Ademais de en español, a Universidade Nacional de Colombia publicará os contidos do seu sitio web en dúas linguas nativas de Colombia: en nasa yuwe do pobo nasa e en wayuunaiki da Guajira.
Fuente: El Informador
Boletín
Subscríbase ao boletín
