Un ano máis a Universidade de Vigo quere premiar a creatividade e o talento literario en lingua galega dos membros da comunidade universitaria cunha nova edición dos Premios de poesía, relato curto e tradución literaria.
Fonte: Universidade de Vigo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
15 de marzo de 2019
15 de marzo de 2019
O Boletín Oficial da Provincia de Pontevedra publicou a aprobación definitiva da Ordenanza de normalización lingüística do Concello da Cañiza, un texto que declara o galego como lingua propia e oficial desta Administración e idioma de uso normal en todas as súas actividades.
Fonte: CTNL
15 de marzo de 2019
Nos últimos anos a cultura do fado tornouse popular en Goa, antiga colonia de Portugal na India. O Instituto Camões e outras entidades aproveitaron este apego para fortalecer a promoción da lingua portuguesa neste territorio.
Fonte: Notícias ao Minuto
15 de marzo de 2019
O novo sitio web Trobasons, que recolle toda a música feita en lingua occitana, axudará a promover e divulgar este idioma a partir dun dos seus principais modos de expresión cultural.
Fonte: Jornalet
14 de marzo de 2019
O secretario xeral de Política Lingüística, Valentín García, participou na apertura da xornada O ano internacional do sistema periódico: reflexións desde Galicia, que organiza o Consello da Cultura Galega (CCG) co apoio da Consellería de Cultura e Turismo.
Fonte: O Portal da Lingua Galega
14 de marzo de 2019
Alguén que respira! II Festival de Poesía para o Corpo Principal, promovido polo Concello compostelán e pola Consellería de Cultura e Turismo e posicionado desde a súa primeira edición como un dos máis importantes encontros arredor da poesía de toda a Península, congrega na capital galega durante a semana que vén, do 21 ao 23 de marzo, máis de cincuenta poetas, performers, músicos e músicas, actores e actrices para celebrar a poesía como forza aglutinadora da cultura.
14 de marzo de 2019
O Goberno asturiano aprobou os decretos que determinan os topónimos oficiais de Oviedo, Onís e Coaña, co que na actualidade xa son 64 os municipios que teñen aprobada a toponimia tradicional.
Fonte: 20minutos
14 de marzo de 2019
O II Plan de normalización do uso do éuscaro na Ertzaintza para o período 2018-2022 presentouse nun acto formal ante todas as unidades policiais. Con este plan, a policía vasca súmase aos principais obxectivos de emprego desta lingua asumidos por todos os departamentos do Goberno vasco.
Fonte: Noticias Press
14 de marzo de 2019
Esta colección de suplementos temáticos para correctores ortográficos servirá para ampliar o dicionario xeral que usan por defecto estas ferramentas e engadir terminoloxía técnica de diferentes áreas de especialidade. Polo momento están dispoñibles os dicionarios das áreas de economía e empresa e de dereito, aos que proximamente se sumará o de matemáticas, para, ao longo dos vindeiros meses, ir publicando suplementos para outros ámbitos.
14 de marzo de 2019
A app Egunean Behin é un xogo de preguntas en éuscaro cunhas regras moi sinxelas. A persoa usuaria pode xogar unha única partida ao día respondendo dez cuestións o máis rápido posible.
Fonte: Gipuzkoa Gaur
Boletín
Subscríbase ao boletín
