A edición en catalán do xornal El País centrarase nesta nova etapa en ampliar a cobertura en Barcelona e apostará por informacións e reportaxes en profundidade e por artigos de opinión centrados en Cataluña.
Fonte: El País
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de febreiro de 2019
O Concello ourensán acaba de convocar o XXXV Premio de Poesía Cidade Ourense, dotado con 6000 euros e a publicación da obra gañadora, ao que poderán presentarse traballos inéditos e orixinais que estean escritos en lingua galega ou portuguesa.
Fonte: Faro de Vigo
12 de febreiro de 2019
A campaña, dirixida ás familias con nenas e nenos menores de cinco anos, ten como obxectivo destacar a importancia da transmisión do éuscaro, para o cal se pon á súa disposición a través dunha web diferentes recursos como debuxos, contos etc.
Fonte: El Correo
11 de febreiro de 2019
Unha proposta aspira a introducir a lingua normanda falada na Illa de Jersey na sinalización pública
O deputado da Illa de Jersey, Jeremy Maçon, fixo unha proposta para que a lingua normanda que se fala nese territorio do Canal da Mancha, o jérrais, poida aparecer como idioma principal na sinalización pública.
Fonte: ITV
11 de febreiro de 2019
O emirato de Abu Dhabi dos Emiratos Árabes Unidos vai oficializar o uso do hindi nos tribunais co obxectivo de que os traballadores e traballadoras que falen esta lingua poidan ter pleno acceso á xustiza.
Fonte: The National
11 de febreiro de 2019
O decreto de creación e regulación da Rede Pública de Servizos Lingüísticos Valencianos ten como obxectivos, entre outros, reforzar a comunicación entre todos os ámbitos implicados e agrupar os devanditos servizos das entidades locais e das universidades públicas nunha única estrutura propia da Generalitat, para favorecer o traballo en rede e acadar a máxima rendibilidade no proceso de normalización lingüística.
11 de febreiro de 2019
Os Premios á calidade lingüística, que chegan á súa décimo quinta edición, teñen como obxectivo fomentar o uso do galego entre o alumnado a través de premios aos mellores traballos académicos, proxectos de fin de carreira (PFC) ou traballos de fin de grao (TFG) e traballos de fin de mestrado (TFM) redactados nesta lingua.
11 de febreiro de 2019
A Xunta de Galicia, por medio das consellerías de Cultura e Turismo e mais de Educación, Universidade e Formación Profesional, e o Concello de Cerdedo-Cotobade homenaxearon a Salustiano Portela Pazos coa presentación da nova reedición da obra O cañón de pau.
Fonte: O Portal da Lingua Galega
11 de febreiro de 2019
A exposición itinerante “L’aragonés, un patrimonio común” chega ao Paraninfo da Universidade de Zaragoza para amosar a situación actual deste idioma, dar a coñecer a diversidade cultural e lingüística de Aragón, e favorecer o respecto ás minorías.
Fonte: El Periódico de Aragón
11 de febreiro de 2019
Unha paciente denuncia a vulneración dos seus dereitos lingüísticos polo comentario do seu médico de cabeceira, quen a instou a que non falase en galego, razón pola que vai solicitarlle ao Sergas un cambio de facultativo.
Fonte: Sermos Galiza
Boletín
Subscríbase ao boletín
