O Centro Dramático Galego (CDG) ten preparado un intenso programa de actividades para conmemorar o Día das Letras Galegas na súa sede do Salón Teatro de Santiago.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de maio de 2019
14 de maio de 2019
Co gallo da celebración do Día das Letras Galegas, a plataforma Queremos Galego convoca este ano manifestacións en trece localidades co obxectivo de deslocalizar a gran manifestación que se facía todos os anos en Santiago e facilitar así que todo o mundo poida participar nas mobilizacións simultáneas en toda Galicia en defensa da lingua galega.
Fonte: Galicia Confidencial
14 de maio de 2019
Kontseilua, a coordinadora de asociacións en favor do éuscaro, presentou quince medidas en materia lingüística para a próxima lexislatura en Navarra. Estas medidas diríxense a conseguir a oficialidade do éuscaro en toda Navarra: Administración Pública, sistema educativo, medios de comunicación etc.
Fonte: Noticias de Navarra
14 de maio de 2019
O Consell de Mallorca publicou a convocatoria de axudas para prensa escrita ou dixital en lingua catalá do 2019, cunha dotación total de 38 000 euros. O obxecto da convocatoria é a adquisición de equipamentos e materiais necesarios para desenvolver traballos periodísticos.
Fonte: La Vanguardia
14 de maio de 2019
O secretario xeral de Política Lingüística, Valentín García, asistiu no compostelán IES Plurilingüe Rosalía de Castro ao acto de homenaxe a Antonio Fraguas Fraguas, con motivo das Letras Galegas 2019.
Fonte: O Portal da Lingua Galega
14 de maio de 2019
A Consellería de Cultura e Turismo, por medio da Secretaría Xeral de Política Lingüística, e a compañía galega de distribución alimentaria Vegalsa-Eroski homenaxean a Antonio Fraguas Fraguas na semana grande das Letras Galegas e volven poñer en marcha, por noveno ano consecutivo, a campaña Letras Galegas para festexar o 17 de maio cunha tirada especial de bolsas e carteis que chegarán aos fogares galegos nos Eroski Center, Autoservizos Familia e Hipermercados Eroski.
14 de maio de 2019
O secretario xeral de Política Lingüística, Valentín García, asistiu ao acto de presentación da obra O diario de contos de Gabriela celebrado no Hospital Universitario compostelán con motivo do Día do Neno Hospitalizado.
Fonte: O Portal da Lingua Galega
13 de maio de 2019
Un estudo revela que a oficina de administración de exames do Reino Unido, Ofqual, está adoptando demasiado rigor á hora de corrixir os exames oficiais de secundaria e bacharelato, os coñecidos en inglés por GCSE e A-levels respectivamente, e isto podería ter un impacto negativo na pervivencia das disciplinas lingüísticas.
Fonte: The Guardian
13 de maio de 2019
A cidade sarda de L'Alguer, Alghero en italiano ou S'Alighèra en sardo, estreou a versión catalá do seu sitio web que está dispoñible tamén en italiano. A páxina ofrece información sobre os servizos e as actividades que ofrece a localidade.
Fonte: El Nacional
13 de maio de 2019
A iniciativa AragON, como parte do programa europeo Poctefa Linguatec e do programa Agora por l’aragonés, puxo en marcha un portal web que pon a disposición de interesados e interesadas ferramentas e recursos en liña sobre a lingua aragonesa. Aquí pódese atopar dende un dicionario até un tradutor en liña, así como información sobre probas de nivel e recursos educativos para docentes e alumnado.
Fonte: Aragón hoy
Boletín
Subscríbase ao boletín
