O decreto de creación e regulación da Rede Pública de Servizos Lingüísticos Valencianos ten como obxectivos, entre outros, reforzar a comunicación entre todos os ámbitos implicados e agrupar os devanditos servizos das entidades locais e das universidades públicas nunha única estrutura propia da Generalitat, para favorecer o traballo en rede e acadar a máxima rendibilidade no proceso de normalización lingüística.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de febreiro de 2019
11 de febreiro de 2019
Os Premios á calidade lingüística, que chegan á súa décimo quinta edición, teñen como obxectivo fomentar o uso do galego entre o alumnado a través de premios aos mellores traballos académicos, proxectos de fin de carreira (PFC) ou traballos de fin de grao (TFG) e traballos de fin de mestrado (TFM) redactados nesta lingua.
11 de febreiro de 2019
A Xunta de Galicia, por medio das consellerías de Cultura e Turismo e mais de Educación, Universidade e Formación Profesional, e o Concello de Cerdedo-Cotobade homenaxearon a Salustiano Portela Pazos coa presentación da nova reedición da obra O cañón de pau.
Fonte: O Portal da Lingua Galega
11 de febreiro de 2019
A exposición itinerante “L’aragonés, un patrimonio común” chega ao Paraninfo da Universidade de Zaragoza para amosar a situación actual deste idioma, dar a coñecer a diversidade cultural e lingüística de Aragón, e favorecer o respecto ás minorías.
Fonte: El Periódico de Aragón
11 de febreiro de 2019
Unha paciente denuncia a vulneración dos seus dereitos lingüísticos polo comentario do seu médico de cabeceira, quen a instou a que non falase en galego, razón pola que vai solicitarlle ao Sergas un cambio de facultativo.
Fonte: Sermos Galiza
08 de febreiro de 2019
A organización benéfica escocesa Young Scot ofrecerá un servizo de atención en liña para xente nova en gaélico escocés.
Fonte: Lancashire Telegraph
08 de febreiro de 2019
Unha reforma educativa permitirá que a lingua galesa deixe de estar considerada "segunda lingua" nas escolas de fala inglesa do País de Gales. O obxectivo é que a partir de 2022 todo o alumnado, independentemente da súa lingua materna, poida estudar galés ao nivel de primeira lingua.
Fonte: Wales Online
08 de febreiro de 2019
O colectivo Iniciativa pol Asturianu solicitou o nomeamento dunha directora ou director da TPA que aposte por unha programación que contribúa a normalizar o asturiano e o galego-asturiano, despois dun período de retroceso das emisións en lingua asturiana que quedaron reducidas ao 1 %..
Fonte: La Nueva España
08 de febreiro de 2019
A Universidade de Santiago de Compostela organiza unha nova edición, a cuarta, do Concurso de subtitulación de vídeos TED de Ciencias da Saúde ao galego. Este certame ten como obxectivo impulsar a creación de recursos divulgativos en galego en novos soportes.
08 de febreiro de 2019
O concurso de vídeos “O meu elemento”, organizado no marco da celebración en 2019 do Ano Internacional do Sistema Periódico, está dirixido á comunidade universitaria e ao alumnado da ESO e de 1º e 2º de Bacharelato de Galicia, e busca fomentar a expresión de contidos científicos en lingua galega.
Boletín
Subscríbase ao boletín
