Representantes do Parlamento de Uganda animaron as escolas públicas do país a introducir o ensino do chinés co fin de crear máis oportunidades laborais de futuro para os estudantes.
Fonte: All Africa
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de febreiro de 2019
A Universidade de Alcalá de Henares (UAH) levou a cabo un proxecto de documentación lingüística denominado 'Fronteira hispano-portuguesa: documentación lingüística e bibliográfica (Frontespo)' co obxectivo de estudar as particularidades lingüísticas da franxa fronteiriza entre ambos os países a través da análise dun total de 64 puntos dun e outro lado.
06 de febreiro de 2019
Unhas 30 empresas de Santiago de Compostela, Ames e Teo uniranse ao proxecto Galegoempresas, unha web que inclúe un directorio de negocios situados nestes tres municipios que ofrecen servizos de todo tipo e establecen a súa relación e as súas comunicacións coa clientela en galego.
Fonte: Galicia Confidencial
06 de febreiro de 2019
A ONCE de Cataluña convoca unha nova edición do premio Roc Boronat en Lingua Catalá ao que optarán 69 novelas. Este certame ten entre os seus obxectivos apoiar a creación literaria en catalán entre as persoas con discapacidade visual.
Fonte: La Vanguardia
06 de febreiro de 2019
A Liña do Galego é un servizo gratuíto de atención que tramita queixas sobre dereitos lingüísticos e recolle parabéns para as entidades que os respectan. No último informe reflíctese a tramitación en 2018 de 303 expedientes de queixas, a atención de 29 consultas e un total de 58 felicitacións.
Fonte: Consello da Cultura Galega
06 de febreiro de 2019
O Trivial en éuscaro ten como obxectivo impulsar o emprego desta lingua entre a xente nova de entre 12 e 17 anos. Trátase dun xogo interactivo de preguntas e respostas, sobre varios municipios vascos e tamén sobre o resto do mundo.
Fonte: Deia
06 de febreiro de 2019
O Concurso Balbino de Relatos chega á súa cuarta edición impulsado por Técnicas & Gramaxe co apoio da Secretaría Xeral de Política Lingüística, da Fundación Xosé Neira Vilas, dos concellos de Vila de Cruces e Boqueixón e mais da Deputación de Pontevedra. Ten como obxectivo promover a literatura escrita en lingua galega arredor da temática do rural e da emigración, así como apoiar tanto escritoras e escritores noveis como xa consagrados.
05 de febreiro de 2019
Os dous dialectos de base grega, griko e greko, falados respectivamente nalgunhas zonas de Calabria e Apulia, no sur de Italia, están ao bordo da extinción. Unha rapaza de lingua greka, Olimpia Squillaci, decidiu levar a cabo varias iniciativas para preservar a súa lingua e promover a súa aprendizaxe.
Fonte: Greek Europe Reporter
05 de febreiro de 2019
O alcalde de Nova York, Bill de Blasio, anunciou a ampliación do programa de ensino bilingüe para as escolas infantís. A partir do próximo curso académico haberá en Nova York 107 escolas que ofrecerán instrución en inglés e noutra lingua como xaponés, crioulo de Haití, francés ou hebreo.
Fonte: Fox5 NY
05 de febreiro de 2019
A biblioteca municipal Varela Jácome de Lalín acolleu un acto aberto ao público para a creación dun colectivo transversal parar a defensa do galego na zona ao que acudiron persoas da comarca para poñer en común as súas ideas para a protección desta lingua.
Fonte: Faro de Vigo
Boletín
Subscríbase ao boletín
