Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura e Turismo convocará cinco bolsas de formación en lectorados de lingua, literatura e cultura galegas de universidades do Brasil, Portugal, Italia, Alemaña e Croacia por un importe de 238 595,40 euros para un período de tres anos.
Fonte: Galicia Confidencial
O emprego da lingua valenciana, segundo a última Enquisa do Uso Social do Valenciano da Consellería de Educación, vai a máis nas redes sociais, coa provincia de Castelló á fronte deste uso na última década cunha porcentaxe do 51 %. Os datos revelan ademais que o 37,7% de castellonencos se comunica en castelán en Facebook, Twitter e Whatsapp, un 3,6 % noutras linguas e a un 7,3 % élle indistinto.
A Cidade da Cultura de Galicia súmase á celebración do Día das Letras Galegas cunha lectura participativa e polas redes sociais, o mesmo 17 de maio, de obras do homenaxeado neste 2019, Antonio Fraguas (Cerdedo, 1905 –Santiago de Compostela, 1999).
Fonte: O Portal da Lingua Galega
O Festival Arte pola Igualdade nas Letras Galegas, impulsado polas consellerías de Cultura e Turismo e de Educación, Universidade e Formación Profesional, chega á súa VIII edición para homenaxear nesta ocasión a Antonio Fraguas.
Fonte: O Portal da Lingua Galega
Con motivo do Ano Internacional das Linguas Indíxenas, a Casa da Moeda de Australia acuña unha moeda para render homenaxe a 14 linguas aborixes faladas actualmente no país austral.
Fonte: El Diario
O Ministerio de Cultura e Turismo de Bolivia presentou unha aplicación móbil que permite aprender cinco linguas indíxenas faladas no país andino: aimará, quechua, guaraní, trinitario e uru.
Fonte: Prensa Latina
Co gallo da celebración do Día das Letras Asturianas, Oviedo acolleu unha manifestación convocada pola Xunta pola Defensa da Lingua a prol do asturiano á que acudiron centos de persoas.
Fonte: La Nueva España
Fortifeble, Batalla Gramatical, é un xogo ao estilo battle royal destinado ao alumnado de secundaria para aprender gramática catalá. A aplicación xa está dispoñible para a súa descarga en iPhone e Android.
Fonte: Generalitat de Catalunya
Un total de 556 persoas participaron en 2018 nos cursos de nivel inicial de catalán y nos de coñecemento da sociedade e o seu marco xurídico organizados polo Consorcio para a Normalización Lingüística (CPNL) e dirixidos a persoas estranxeiras inmigradas e a persoas reagrupadas.
Fonte: RR. HH. Press
A conselleira de Educación, Universidade e Formación Profesional, Carmen Pomar, e o secretario xeral de política Lingüística, Valentín García, entregaron o premio do Concurso-Exposición das Letras Galegas ao CEIP Xesús San Luís Romero (Carballo), nun acto celebrado no propio centro educativo.
Fonte: O Portal da Lingua Galega
Subscríbase ao boletín
