O novo volume La letteratura galega. Autori e testi verte ao italiano medio cento de textos arredor doutras tantas figuras das Letras Galegas, da man dos tres Centros de Estudos Galegos (CEG) italianos -Padua, Roma e Perugia- da Rede de Lectorados e Centros de Estudos Galegos e no marco da colección Finisterrae, coa colaboración da Secretaría Xeral de Política Lingüística e da Real Academia Galega (RAG).
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xaneiro de 2019
29 de xaneiro de 2019
Organizacións a prol dos dereitos humanos volveron demandar a liberación do activista Tashi Wangchuk que cumpriu tres anos no cárcere por defender a lingua tibetana en China.
Fonte: RFA
29 de xaneiro de 2019
Os pobos indíxenas do Canadá acadaron un importante avance no recoñecemento das súas linguas nativas. A partir de agora, o Parlamento do Canadá estará obrigado a ofrecer servizo de interpretación de todas aquelas intervencións que se fagan nas linguas destes pobos orixinarios.
Fonte: The Guardian
29 de xaneiro de 2019
A Dirección Xeral de Política Lingüística abriu, ata o 13 de febreiro, o prazo de inscrición nas probas para obter os certificados oficiais de catalán de cinco niveis: básico, elemental, intermedio, suficiencia e superior.
Fonte: Generalitat de Catauña
29 de xaneiro de 2019
A praza do Concello de Salceda da Caselas, acolleu a presentación de dous volumes, titulados Descricións e Catálogo, editados pola Deputación de Pontevedra, que recollen a tradición oral deste municipio.
Fonte: Deputación de Pontevedra
29 de xaneiro de 2019
A Mesa pola Normalización Lingüística envioulle unha carta ao presidente da Xunta de Galicia para pedirlle que se atendan as recomendacións recollidas no informe preliminar da ONU no que se denuncian vulneracións dos dereitos lingüísticos dos galegofalantes.
Fonte: Galicia Confidencial
29 de xaneiro de 2019
O secretario xeral de Política Lingüística, Valentín García, participou, nos xardíns situados fronte á Facultade de Belas Artes de Pontevedra, na celebración do Día da Galeguidade Empresarial, que este ano o Foro Enrique Peinador lle dedica ao empresario, artista e intelectual Isaac Díaz Pardo e que conta co apoio da Xunta de Galicia.
29 de xaneiro de 2019
O pleno do Concello de Pamplona debaterá no mes de febreiro a Ordenanza reguladora da utilización e fomento do éuscaro no Consistorio e o seu sector público institucional, na cal se definen como linguas propias da cidade o castelán e o éuscaro.
Fonte: Noticias de Navarra
28 de xaneiro de 2019
O municipio de Miranda do Douro quere asinar un protocolo coa Asociación da Lingua Mirandesa para garantir a aprobación dos principios da Carta Europea das Linguas Minoritarias.
Fonte: Público
28 de xaneiro de 2019
Varias asociacións de portugueses en Francia lanzarán unha campaña para cambiar a mala reputación que ten a lingua portuguesa no país galo e fomentar a súa aprendizaxe.
Fonte: Notícias ao Minuto
Boletín
Subscríbase ao boletín
