Valentín García, secretario xeral de Política Lingüística, e Manuel Corredoira, director xeral de Educación, Formación Profesional e Innovación Educativa, inauguraron no Pazo de San Roque a xornada formativa para profesorado pertencente a equipos de dinamización da lingua galega (EDLG) “Sumando espazos, espallando lingua”.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xaneiro de 2019
25 de xaneiro de 2019
O ministro de Educación de Ghana, Matthew Opoku Prempeh, defendeu a necesidade de que o país adopte as medidas necesarias para promover o ensino e a aprendizaxe do francés co fin de desenvolver os intercambios comerciais.
Fonte: My Joy Online
25 de xaneiro de 2019
O municipio de Hannover, capital do estado federado de Baixa Saxonia, converteuse no primeiro de Alemaña en introducir directrices sobre o uso da linguaxe non sexista na documentación de tipo oficial.
Fonte: Deutsche Welle
25 de xaneiro de 2019
Desde a Delegación do Goberno en Cataluña proponse que os axentes da Garda Civil destinados a Cataluña reciban clases de catalán, co obxectivo de mellorar o coñecemento desta lingua e a relación deste corpo de seguridade coa cidadanía.
Fonte: El Periódico
25 de xaneiro de 2019
Co gallo da celebración o 14 de febreiro do Día de San Valentín, Radio Estrada convoca a terceira edición do seu concurso de cartas de amor que ten como obxectivo fomentar a escritura en galego, tanto en prosa como en verso, e a reflexión sobre os distintos tipos de amor.
Fonte: La Voz de Galicia
25 de xaneiro de 2019
Segundo os datos do Barómetro de Hábitos de Lectura e Compra de Libros, só o 4% das persoas escolle o galego como lingua de lectura. Por este motivo, a Asociación Galega de Editores (AGE) demanda políticas efectivas e transversais para fomentar a lectura neste idioma.
Fonte: Semos Galiza
25 de xaneiro de 2019
A Universidade da Cidade de Dublín (DCU, polas súas siglas en inglés) ofertará a primeira carreira universitaria de Irlanda que permitirá que persoas xordas ou con discapacidade auditiva poidan acadar o título de mestres ou mestras de primaria.
Fonte: The Journal
25 de xaneiro de 2019
O Goberno de Italia concederá a cidadanía unicamente a aquelas persoas que, sendo descendentes de italianos, dominen e falen con fluidez a lingua italiana.
Fonte: Rádio Cidade
24 de xaneiro de 2019
A Xunta de Galicia, a través das consellerías de Cultura e Turismo e de Educación, Universidade e Formación Profesional, convoca, por medio da publicación de dúas ordes da Secretaría Xeral de Política Lingüística no Diario Oficial de Galicia (DOG), as axudas para o fomento da lingua galega no ensino, tanto para centros de titularidade pública como para centros de titularidade privada.
Fonte: O Portal da Lingua Galega
24 de xaneiro de 2019
As axudas, convocadas pola Consellería de Cultura e Turismo, están destinadas a proxectos de fomento do galego no ensino non universitario, unha para centros públicos e outra para centros privados, durante o curso 2018/2019.
Fonte: Consello da Cultura Galega
Boletín
Subscríbase ao boletín
