Este censo reúne entidades que fomentan o catalán con actividades que incrementan o coñecemento e o uso desta lingua entre a poboación en xeral e entre colectivos concretos.
Fonte: Generalitat de Cataluña
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de xaneiro de 2019
A Generalitat de Cataluña abre o prazo para a inscrición no Censo de entidades de fomento do catalán
16 de xaneiro de 2019
No ano 2018 o Dicionario da Real Academia Galega volveu incrementar o número de visitas recibidas á súa versión en liña. En total logrou case 21 900 000 buscas, o que supón un aumento do 6,5 % con respecto a 2017.
16 de xaneiro de 2019
A Academia Valenciana da Lingua puxo en marcha unha campaña de divulgación para difundir o Dicionario normativo valenciano, unha ferramenta que xa conseguiu 35 millóns de consultas na súa edición dixital dende que se publicou en febreiro do 2014.
Fonte: Valencia Extra
16 de xaneiro de 2019
O sindicato CGT denunciou a discriminación que ao seu entender sofre o galego en RTVE Galicia e o "incumprimento da lei" no que respecta ao seu emprego nun medio de comunicación público.
Fonte: Galicia Confidencial
15 de xaneiro de 2019
Un grupo de nais e pais de fala galesa de Nova Gales do Sur organizáronse para levar os seus fillos ao primeiro campamento de verán de inmersión en galés que se celebra neste estado australiano.
Fonte: ABC
15 de xaneiro de 2019
Un representante do Parlamento da República de Macedonia declarou que a lei que converte o albanés en lingua oficial do país balcánico foi xa enviada ao diario oficial para ser publicada.
Fonte: European Western Balkans
15 de xaneiro de 2019
Esta revista, impulsada por Rosella Espinós, estudante de cuarto curso de Xornalismo na Universidade de Valencia, converteuse nun punto de encontro e de referencia para todos os youtubers que fan os seus contidos en valenciano.
Fonte: La Vanguardia
15 de xaneiro de 2019
Co gallo do seu centenario, Euskaltzaindia organiza un congreso co lema “Coidar as linguas minorizadas, vivir en éuscaro - XXIII Xornada Jagon”, que se celebra en Pamplona os días 17 e 18 de xaneiro e que reúne 21 especialistas.
Fonte: EITB
15 de xaneiro de 2019
Máis de 1300 adolescentes participan no programa de dinamización lingüística ‘21 días co galego e +’
Un total de 1316 alumnas e alumnos de ESO, bacharelato e Formación Profesional comprométense ata o vindeiro 3 de febreiro a falar só a lingua propia de Galicia. Fano no marco do programa de dinamización lingüística ‘21 días co galego e +’, que se presentou no compostelán IES A Pontepedriña.
Fonte: O Portal da Lingua Galega
14 de xaneiro de 2019
As persoas xordas de Suráfrica conseguiron un importante avance xa que o país africano decidiu incluír por primeira vez a materia de lingua de signos nos exames para obter o certificado de ensino secundario.
Fonte: All Africa
Boletín
Subscríbase ao boletín
