O I Curso de especialista en refalado interlingüístico (inglés-español) comezará a impartirse en liña o vindeiro 21 de xaneiro e terá unha duración de 200 horas. Promovido por Galma, primeiro observatorio galego de accesibilidade aos medios, este curso afondará nas vantaxes do refalado lingüístico, un sistema empregado nos medios de comunicación para proporcionar servizos de accesibilidade a persoas con discapacidade auditiva.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de xaneiro de 2019
10 de xaneiro de 2019
A Viquipèdia (Wikipedia en valenciano) superou os 600 000 artigos, unha cifra que a converte na 20ª en número de artigos. Ademais, en canto á súa calidade, sitúase entre as tres primeiras, xunto coas versións rusa e serbia.
Fonte: La Vanguardia
10 de xaneiro de 2019
A Deputación de Pontevedra publicou no BOP a convocatoria de axudas para a dinamización lingüística destinadas a concellos e outras entidades locais que poderán escoller entre crear ou manter o servizo de normalización lingüística ou poñer en marcha programas de dinamización do galego.
Fonte: Deputación de Pontevedra
09 de xaneiro de 2019
O BabeliUM ou Centro de Linguas da Universidade do Miño oferta este curso nas cidades portuguesas de Braga e Guimarães un total de 12 linguas, entre elas o galego.
Fonte: Semanário V
09 de xaneiro de 2019
A Asociación Inuit Qikiqtani dunha rexión da provincia canadense de Nunavut lanzou a campaña "Unha palabra ao día" en varias redes sociais para promover o uso da lingua inuktitut falada polo pobo inuit.
Fonte: Global Voices
09 de xaneiro de 2019
Cinemacat é unha iniciativa que ten como obxectivo promover o cine en catalán en Mallorca e que pretende ser o inicio dunha futura programación estable que comezará en Palma para logo estenderse a outras localidades. Grazas a este proxecto ofreceranse proxeccións de películas en versión orixinal en catalán ou subtituladas nesta lingua.
Fonte: La Vanguardia
09 de xaneiro de 2019
A Central Sindical Independente e de Funcionarios (CSIF) interpuxo un recurso ante o Tribunal Superior de Xustiza de Baleares contra a norma que regula o requisito do catalán para o persoal do Servizo de Saúde do arquipélago, xa que para este sindicato a lingua debe ser un mérito que non reste valor á calidade da asistencia sanitaria.
09 de xaneiro de 2019
O concurso PanxoliñaZas, que este Nadal chegou á súa cuarta edición, xa ten gañadores. Con este certame o Concello de Zas busca promover o uso da lingua galega e das novas tecnoloxías, así como manter as tradicións.
Fonte: Concello de Zas
09 de xaneiro de 2019
O Centro Galego de Artes da Imaxe (CGAI)-Filmoteca de Galicia da Consellería de Cultura e Turismo dálle a benvida ao 2019 cunha celebración das linguas e do cine de Europa.
Fonte: Xunta de Galicia
08 de xaneiro de 2019
O embaixador Luís Faro Ramos e presidente do Consello Directivo do Instituto Camões defendeu a promoción da lingua portuguesa que garantirán varios acordos asinados entre Portugal e o Brasil.
Fonte: RFI
Boletín
Subscríbase ao boletín
