Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Cinemacat é unha iniciativa que ten como obxectivo promover o cine en catalán en Mallorca e que pretende ser o inicio dunha futura programación estable que comezará en Palma para logo estenderse a outras localidades. Grazas a este proxecto ofreceranse proxeccións de películas en versión orixinal en catalán ou subtituladas nesta lingua.
Fonte: La Vanguardia
A Central Sindical Independente e de Funcionarios (CSIF) interpuxo un recurso ante o Tribunal Superior de Xustiza de Baleares contra a norma que regula o requisito do catalán para o persoal do Servizo de Saúde do arquipélago, xa que para este sindicato a lingua debe ser un mérito que non reste valor á calidade da asistencia sanitaria.
O concurso PanxoliñaZas, que este Nadal chegou á súa cuarta edición, xa ten gañadores. Con este certame o Concello de Zas busca promover o uso da lingua galega e das novas tecnoloxías, así como manter as tradicións.
Fonte: Concello de Zas
O Centro Galego de Artes da Imaxe (CGAI)-Filmoteca de Galicia da Consellería de Cultura e Turismo dálle a benvida ao 2019 cunha celebración das linguas e do cine de Europa.
Fonte: Xunta de Galicia
O embaixador Luís Faro Ramos e presidente do Consello Directivo do Instituto Camões defendeu a promoción da lingua portuguesa que garantirán varios acordos asinados entre Portugal e o Brasil.
Fonte: RFI
O Instituto de Ciencias da Saúde da Universidade Católica Portuguesa (UCP) de Lisboa ofrecerá proximamente un mestrado en lingua de signos e educación para persoas xordas.
Fonte: ECCLESIA
A Xunta pola Defensa da Lingua Asturiana denunciou nun comunicado a marxinación que sofre o asturiano na Radiotelevisión do Principado de Asturias, incumprindo así a lexislación vixente que determina que debe ser unha ferramenta para a promoción deste idioma.
Fonte: Infoasturies.com
O Goberno da Comunidade Valenciana presentou un proxecto de lei do Síndic de Greuges que inclúe por primeira vez nun organismo estatutario o coñecemento do valenciano como requisito para dirixir esta institución.
Fonte: Las Provincias
A Consellería de Educación, Universidade e Formación Profesional facilitará que as alumnas e alumnos de centros públicos de ensino secundario de Galicia que estuden a materia de Francés como primeira ou segunda lingua estranxeira, estean matriculados nunha Sección Bilingüe en Francés ou cursen o programa de Bacharelato de dobre titulación BachiBac se presenten ás probas DELF Escolar (Diplôme d’Études en Langue Française).
Os preto de 21 000 alumnos e docentes dos 267 centros educativos integrados na iniciativa E-Dixgal do Proxecto Abalar xa teñen acceso aos contidos educativos de Inglés da Editorial Pearson.
Fonte: Xunta de Galicia
Subscríbase ao boletín
