O Instituto da Lingua Galega (ILG) publicou un mapa lingüístico de polígonos coas designacións tradicionais do último día do ano en Galicia, entre as que se atopan ano vello, fin de ano, noitevella...
Fonte: Historia de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de xaneiro de 2019
07 de xaneiro de 2019
A Generalitat Valenciana vai convocar axudas para que os centros públicos situados en zonas castelanfalantes poñan en marca actividades de inmersión lingüística en valenciano co obxectivo de fomentar entre o alumnado o seu uso, así como actitudes positivas cara a esta lingua.
Fonte: Las Provincias
07 de xaneiro de 2019
Playmobil e Lego néganse a empregar o catalán nos seus xoguetes, unha negativa pola que ambas as empresas poderían enfrontarse a unha multa de ata 100 000 euros, ao non cumprir a normativa lingüística de Cataluña.
Fonte: Antena 3
07 de xaneiro de 2019
Cada vez máis proxenitores recorren ao nomenclátor de Galicia para escoller nomes para as súas fillas e fillos. De feito, segundo a investigadora Ana Isabel Boullón, o 21 % dos topónimos galegos xurdiu como nome de persoa, co que realmente a conexión existe.
Fonte: La Voz de Galicia
07 de xaneiro de 2019
A iniciativa desenvolvida pola editorial Porto Editora para escoller a palabra do ano en Portugal xa tivo gañador. Trátase da palabra "Enfermeiro" que obtivo o 37,8 % dos votos emitidos.
Fonte: Sermos Galiza
07 de xaneiro de 2019
Un grupo de persoas que traballan no ensino superior británico criticou a medida aprobada na Universidade de Hull de suspender as matrículas nalgunhas carreiras do ámbito das linguas modernas.
Fonte: BBC
04 de xaneiro de 2019
O actual Goberno do Canadá quere facer todo o posible para implementar a Lei de Linguas Indíxenas antes do remate da lexislatura. Esta nova lei garante o uso das linguas de todos os pobos indíxenas.
Fonte: CFJC Today
04 de xaneiro de 2019
O Goberno de Suíza decretou o día 26 de setembro como Día Nacional do Plurilingüismo. Nese día pedirase a todos os representantes políticos do país que se expresen durante todo o día nunha lingua diferente á súa materna.
Fonte: Le Temps
04 de xaneiro de 2019
Por primeira vez, a Organización das Nacións Unidas celebra o Día Internacional do Braille co fin de garantir e recoñecer os dereitos das persoas cegas ou con discapacidade visual.
Fonte: World Braille Day
04 de xaneiro de 2019
Os participantes da cuarta edición de obradoiros de tradución á lingua bérber ou tamazight que tiveron lugar na localidade alxerina de Ardar manifestaron a necesidade de contratar tradutores e intérpretes deste idioma nas institucións públicas do país norteafricano.
Fonte: Huffpost
Boletín
Subscríbase ao boletín
