Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Estes folletos informativos inclúen vocabulario en catalán de atletismo, baloncesto, ciclismo, fútbol, ximnasia, balonmán, montañismo e natación. Cada deporte vai acompañado da súa definición e un pouco da súa historia, así como unha recompilación dos principais termos relacionados con el e unha ilustración da superficie de xogo coa terminoloxía específica.
Fonte: 20 minutos
No 2019 conmemórase o Ano Internacional da Táboa Periódica e, dende Galicia, o proxecto Moléculas en Galego, que leva anos traballando na divulgación de terminoloxía científica nesta lingua, quere sumarse a esta celebración e impulsar así o uso de termos químicos en galego co sorteo dun exemplar do libro Guía dos elementos químicos, Historia, propiedades e aplicacións.
Segundo os datos oficiais do Goberno de Aragón, case 100 centros educativos imparten na actualidade clases en aragonés ou catalán. Nas próximas semanas publicarase unha orde que regulará os proxectos lingüísticos nestes dous idiomas e que establecerá que na Educación Infantil se imparta catalán ou aragonés ata catro ou seis veces por semana.
Fonte: Hoy Aragón
O Concello de Bilbao subvencionou con 25 000 euros a Real Academia da Lingua Vasca para a celebración de varios actos conmemorativos polo seu centenario, unha axuda que se enmarca dentro do Plan de Acción de Promoción do Éuscaro do Consistorio.
Fonte: La Vanguardia
A rede social Twitter preparou etiquetas especiais de celebración do novo ano en múltiples idiomas, entre os que non se atopaban nin o galego nin o catalán nin o éuscaro, malia contaren con máis falantes que algunhas das linguas dispoñibles.
Fonte: La Vanguardia
A Oficina Estatística de Finlandia revelou que un 93 % dos cidadáns fineses entre os 18 e os 64 anos pode falar unha lingua diferente ao seu idioma materno.
Fonte: YLE
O presidente de Portugal, Marcelo Rebelo de Sousa, pediralle ao novo presidente do Brasil, Jair Bolsonaro, que apoie a Comunidade de Países de Lingua Portuguesa (CPLP) para que o portugués adquira o peso que merece no mundo.
Fonte: Política ao Minuto
A Consellería de Cultura e Turismo, a través da Secretaría Xeral de Política Lingüística, e mais a Escola Galega de Administración Pública (EGAP) convocan 30 novos cursos de formación, presenciais e en liña, en linguaxe administrativa e xurídica galega de niveis medio e superior.
Fonte: O Portal da Lingua Galega
Esta convocatoria de subvencións, cuxa dotación orzamentaria alcanza os 200 000,00 euros, está destinada á elaboración de produtos que fomenten a presenza do éuscaro nas tecnoloxías da información e a comunicación no ano 2019.
Fonte: Gobierno Vasco
O Concello de Carral convoca a edición número 22 do seu concurso de poesía en lingua galega, dotado cun premio de 2500 euros e a publicación da obra por Edicións Espiral Maior.
Fonte: Concello de Carral
Subscríbase ao boletín
