Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura e Turismo, Román Rodríguez, sumouse á VII Celebración do Día da Árbore, a Auga e a Poesía, que reuniu na Insua dos Poetas (na Esgueva, Madarnás) a máis de 300 escolares de dez centros educativos galegos.
Fonte: O Portal da Lingua Galega
A conselleira de Educación, Universidade e Formación Profesional, Carmen Pomar, salientou o papel do Premio Arcebispo Juan de San Clemente -impulsado polo IES Plurilingüe Rosalía de Castro de Santiago- no fomento da lectura e o espírito crítico entre os máis novos, que son os principais protagonistas deste galardón que se instaurou hai 24 anos.
Fonte: O Portal da Lingua Galega
O Goberno da illa de Mallorca abriu o prazo para solicitar subvencións de libros e fonogramas en catalán. Estas axudas teñen como obxectivo diversificar as formas de acceso á lectura e á música nesta lingua e que así teña maior presenza en plataformas dixitais.
Fonte: La Vanguardia
Un investigador portugués publicou un dicionario do crioulo de Macau ou patuá que, segundo a ONU, está gravemente ameazado de desaparición.
Fonte: Dnoticias
Alertan ao Consello das Terras Altas de Escocia que o número de matrículas en linguas modernas está diminuíndo nas escolas desta zona de Escocia e iso a pesar de que o Goberno escocés introduciu un plan para a promoción do estudo dunha ou varias linguas estranxeiras.
Fonte: The Inverness Courier
Grazas á proposta impulsada por un activista defensor do catalán no ámbito dos videoxogos e os audiovisuais en liña, Twitch, a principal plataforma de transmisión en streaming, xa permite etiquetar os vídeos nesta lingua.
Fonte: Generalitat de Catalunya
O novo Decreto de avaliación e certificación de coñecementos de lingua catalá ten como obxectivo adaptar a normativa vixente á estrutura actual da Administración balear e actualizar os contidos de cada nivel.
Fonte: 20minutos
Físico, de Andrew McMillan, un dos libros máis celebrados da poesía inglesa actual, chega ao galego da man de Chan da Pólvora Editora na súa nova colección O Río, dedicada exclusivamente á tradución.
Fonte: O Portal da Lingua Galega
As consellerías de Cultura e Turismo e de Política Social, por medio da Secretaría Xeral de Política Lingüística e da Dirección Xeral de Xuventude, Participación e Voluntariado, acaban de facer públicos os nomes dos gañadores da sétima edición do certame de mensaxes de amor en galego Lingua de namorar.
Fonte: O Portal da Lingua Galega
A organización xuvenil Urdd Gobaith Cymru, que ofrece actividades e apoio a xente nova de Gales por medio da lingua galesa, incrementou o seu número de membros en case mil persoas nos últimos 6 anos.
Fonte: North Wales Chronicle
Subscríbase ao boletín
