O Yuan Lexislativo, a cámara lexislativa de China, aprobou un proxecto de lei que pretende garantir a protección e promoción das linguas nacionais de Taiwán.
Fonte: Focus Taiwan
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de decembro de 2018
25 de decembro de 2018
Un grupo de expertos defendeu que a irrupción das novas tecnoloxías e o crecente uso de Internet poden ser un obstáculo para a supervivencia das linguas que non consigan dotarse dos mecanismos para ter presenza no mundo dixital.
Fonte: El Economista
24 de decembro de 2018
O conflito desatado en Camerún entre o Goberno francófono e dúas rexións anglófonas estase agravando día a día e xa deixou miles de mortos este ano.
Fonte: RTVE
24 de decembro de 2018
A Oficina do Censo dos EUA publicou recentemente as porcentaxes de persoas que en cada estado teñen como primeira lingua un idioma diferente ao inglés. Os estados do suroeste son de novo os que rexistran porcentaxes máis altas.
Fonte: Business Insider
24 de decembro de 2018
A Comisión Permanente do Consello Social da Lingua Catalá reuniuse co obxectivo de abordar as actuacións en materia de política lingüística do Goberno de Cataluña, con especial atención aos proxectos relacionados co ensino do catalán a persoas adultas e o seu uso no ámbito empresarial.
Fonte: Generalitat de Catalunya
24 de decembro de 2018
O Goberno das illas Baleares aprobou o Decreto sobre o uso das linguas oficiais na Administración pública balear que ten como obxectivo regular os usos institucionais e administrativos do castelán e o catalán no arquipélago.
Fonte: La Vanguardia
24 de decembro de 2018
A Deputación de Pontevedra abriu o prazo de inscrición no Musigal 2019 aos grupos e artistas profesionais con domicilio social nesa provincia. O programa conta cunha dotación orzamentaria de medio millón de euros e ten como obxectivo apoiar os concellos para que contraten música galega e en galego.
Fonte: Deputación de Pontevedra
24 de decembro de 2018
O profesor, xornalista e investigador galego Fernando Redondo Neira (Boqueixón, 1971) fíxose coa XVIII edición do Premio Ramón Piñeiro de Ensaio, galardón que convocan conxuntamente a Secretaría Xeral de Política Lingüística e a Editorial Galaxia coa colaboración de Gas Natural Fenosa, pola obra Os amorodos de Bergman.
24 de decembro de 2018
A Consellería de Cultura e Turismo apoia a celebración do centenario do nacemento de Carlos Álvarez Fernández-Cid. O secretario xeral de Política Lingüística, Valentín García, participou, no Cine Teatro de Ribadeo, no acto de homenaxe do farmacéutico, profesor e músico ribadense que promoveu a comisión organizadora do centenario do seu nacemento.
24 de decembro de 2018
O secretario xeral de Política Lingüística, Valentín García, participou no compostelán Café-Casino na rolda de prensa na que se deron a coñecer as novelas finalistas do XIV Premio Novela Europea Casino de Santiago.
Fonte: O Portal da Lingua Galega
Boletín
Subscríbase ao boletín
