O mundo celebra o Día Internacional da Lingua Árabe para conmemorar o momento en que esta lingua se converteu en idioma oficial das Nacións Unidas.
Fonte: Egypt Today
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de decembro de 2018
A Televisión de Galicia acaba de poñer en marcha no seu perfil de Instagram unha nova sección, #instaGal, coa que pretende impulsar o uso da lingua galega así como interactuar cos seus usuarios. A dinámica será a seguinte: cada martes, a TVG incluirá unha palabra no perfil co obxectivo de que os seguidores acheguen sinónimos ou as variedades dialectais da súa zona.
18 de decembro de 2018
A Mesa pola Normalización Lingüística lanza unha nova aplicación móbil que porá en valor a presenza da lingua galega nos comercios. Esta ferramenta permite localizar estes establecementos, tanto en modo mapa como en modo busca, filtrando polo nome ou por categorías.
Fonte: Galicia Confidencial
18 de decembro de 2018
As axudas Interlingua, dotadas dun orzamento de 611 779 euros, están destinadas a proxectos do ámbito universitario para o fomento do catalán, o occitano e a lingua de signos catalá, así como a aprendizaxe de terceiras linguas.
Fonte: Generalitat de Cataluña
18 de decembro de 2018
As seis voces que optan a se converter en Palabra do Ano 2018, tras a fase de recollida de suxestións, son as seguintes: apoderamento, deseucaliptización, fariña, fascismo, feminismo e sororidade.
18 de decembro de 2018
O secretario xeral de Política Lingüística da Xunta, Valentín García; o presidente do Parlamento de Galicia, Miguel Santalices; e o presidente do Foro Enrique Peinador, Xosé González, entregaron, na Cámara galega, os XXV Premios de Publicidade en galego convocados conxuntamente polas tres entidades.
Fonte: O Portal da Lingua Galega
18 de decembro de 2018
A campaña “Easy Guide To Euskara” pretende dar a coñecer o éuscaro e a cultura vasca entre os visitantes á capital donostiarra, así como animalos a que o utilicen durante as súas vacacións.
Fonte: Ayuntamiento de Donostia
17 de decembro de 2018
O novo secretario executivo da Comunidade de Países de Lingua Portuguesa (CPLP), o portugués Francisco Ribeiro Telles, defendeu a necesidade de que o Instituto Internacional da Lingua Portuguesa asuma firmemente o seu papel de proxectar internacionalmente o portugués.
Fonte: Diário de Notícias
17 de decembro de 2018
Varios acordos asinados entre as universidades do Porto e Coímbra e asociacións culturais chinesas permitirán reforzar o ensino da lingua e a cultura chinesas nas dúas cidades portuguesas. Os convenios permitirán a creación do Centro Confucio da Universidade do Porto e o Centro de Estudos Chineses na Universidade de Coímbra.
Fonte: TV Europa
17 de decembro de 2018
O Comité de Expertos da Carta Europea das Linguas Rexionais ou Minoritarias, a Confederación Estatal de Persoas Xordas e mais o Centro de Normalización Lingüística da Lingua de Signos Española mantiveron unha reunión para tratar a importancia de incluír as linguas de signos na devandita carta europea.
Fonte: Prnoticias
Boletín
Subscríbase ao boletín
