Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
De acordo cos datos proporcionados por un responsable de educación da provincia turca de Girusun, un total de 100 nenas e nenos aprenderon a lingua asubiada turca co fin de preservar este modo de comunicación nas novas xeracións.
Fonte: Hurriyet Daily News
A enquisa sobre o uso das TIC nos fogares do ano 2017, realizada polo Instituto de Estatística de Cataluña (Idescat), mostra un incremento no emprego do catalán en chats e foros dixitais con respecto aos datos de 2013.
Fonte: Generalitat de Cataluña
Unha nova lexislación da República de Irlanda esixiralle a un mínimo do 20 % do funcionariado ter competencias en gaélico para poder traballar no ámbito público.
Fonte: RTE
Unha decena de escolas de ensino secundario de Portugal e da rexión chinesa de Macau asinou un acordo de colaboración para reforzar o ensino do portugués e o chinés mandarín.
Fonte: O Jornal Económico
O Concello de Azkoitia abriu o prazo para que as empresas do municipio que o desexen soliciten unha subvención, dun máximo de 2000 euros anuais, para o desenvolvemento dun plan de éuscaro.
Fonte: Diario Vasco
Unha familia de Cornualles descubriu unha tradución ao irlandés descoñecida até agora do Canon de Medicina de Avicena. O documento do século XV, que servía de protección dunha obra posterior, revela que a medicina irlandesa da Idade Media estaba á par da europea.
Fonte: The Guardian
Segundo un estudo elaborado por responsables do premio internacional Man Brooker, o consumo de literatura traducida a partir de linguas diferentes ao inglés chegou a máximos históricos no Reino Unido.
Fonte: The Guardian
O Departamento de Cultura impulsou durante o ano 2018 a tradución ao catalán de 154 obras literarias e non literarias co obxectivo de incrementar a oferta de libros nesta lingua, mediante subvencións que outorga no marco do Plan de lectura 2020.
Fonte: Generalitat de Cataluña
A plataforma Queremos Galego e o Concello de Lugo organizaron esta protesta á que acudiron ducias de persoas para protestar contra a sentenza do Tribunal Supremo contra a ordenanza de normalización lingüística aprobada en pleno por unanimidade.
Fonte: Sermos Galiza
O Boletín Oficial da Provincia de Pontevedra do 5 de marzo de 2019 publicou a aprobación definitiva da Ordenanza para o impulso social da lingua galega no Concello de Pazos de Borbén, un texto que declara o galego como idioma oficial desta administración.
Fonte: CTNL
Subscríbase ao boletín
