Un estudo elaborado polo Departamento de Comunidades de Irlanda do Norte revelou que as porcentaxes de persoas con algún coñecemento de gaélico irlandés e lingua scots son moi semellantes, 15 e 14 % respectivamente.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de novembro de 2018
30 de novembro de 2018
O Instituto Camões quere que a lingua portuguesa estea presente no ensino público dun total de 40 países en todo o mundo. Trátase, segundo o presidente da institución, dun obxectivo realizable xa que actualmente xa se ensina en máis de 20.
Fonte: Expresso das Ilhas
30 de novembro de 2018
O Informe de Política Lingüística 2017 da Generalitat de Cataluña salienta os bos datos do catalán nas novas tecnoloxías, como demostra o feito de que alcanzase unha porcentaxe de uso que rolda o 73 % nas redes sociais e nas aplicacións de mensaxería e o 81 % en internet.
Fonte: La Vanguardia
30 de novembro de 2018
O Departamento de Cultura e Política Lingüística do Goberno vasco vai dedicar 7.867.410 euros en 2019 aos medios de comunicación que se publican integramente en éuscaro, o que suporá un aumento de case tres millóns de euros con respecto a este ano.
Fonte: Deia
30 de novembro de 2018
O Museo Manuel Torres de Marín acolle, ata o 8 de decembro, a exposición "O traxe tradicional na nosa fala", baseada nos termos que se usan en galego para facer referencia a cada unha das pezas do traxe tradicional.
Fonte: Pontevedra Viva
30 de novembro de 2018
A ministra de Educación de Timor Leste, Dulce Soares, defendeuse das críticas que a tachan de "inimiga" da lingua portuguesa e apoiou a súa reforma educativa que establece a alfabetización inicial en tetún.
Fonte: Diário de Notícias
30 de novembro de 2018
O embaixador de Cabo Verde en Portugal, Eurico Monteiro, defendeu a necesidade de que o país africano aposte polo ensino a distancia en lingua portuguesa.
Fonte: Observador
29 de novembro de 2018
As comarcas da Barcala e de Ourense acollen o vindeiro domingo as actividades do FalaRedes, o programa de dinamización que a Consellería de Cultura e Turismo impulsa a través da Secretaría Xeral de Política Lingüística nos concellos da Rede de Dinamización Lingüística (RDL).
Fonte: O Portal da Lingua Galega
29 de novembro de 2018
O secretario xeral de Política Lingüística, Valentín García, participou na rolda de prensa de presentación do novo traballo discográfico Mestre Vide. Obra para piano e canto-piano, que conmemora o 125º aniversario do nacemento do compositor ourensán José Fernández Vide coa colaboración da Consellería de Cultura e Turismo.
Fonte: Xunta de Galicia
29 de novembro de 2018
O proxecto de orzamentos para 2019 do Goberno do Principado destina unha partida para promoción do asturiano que ascende a 1 703 630 euros, o que converte a Dirección Xeral de Planificación Lingüística e Normalización no departamento con menos orzamento de toda a Administración.
Fonte: La Nueva España
Boletín
Subscríbase ao boletín
